ot 1. Glyukoza qoldigʻidan hosil boʻladigan, oʻsimlik hujayralari qobigʻining asosiy tarkibiy qismi boʻlgan yuqori molekulali birikma; oʻsimlik toʻqimalarining mexanik chidamliligi hamda elastikligini taʼminlaydi.
[Olimlar] Paxtaning murakkab kimyoviy tarkibini, ayniqsa, uning sellyuloza degan moddadan tarkib topganligini keyinroq tushunganlar. — Guliston
2. Yogʻochdan va baʼzi bir oʻsimliklar poyasidan kimyoviy yoʻl bilan hosil qilinadigan tola modda [qogʻoz va karton, sunʼiy ipak, plastmassa, lok, portlovchi moddalar va shu kabilar tayyorlash uchun ishlatiladi].
Yogʻoch sellyulozasi. Paxta sellyulozasi.