Қидирув

от 1. Ҳарбийларнинг ёки умуман кишиларнинг ва нарсаларнинг маълум тартибда тизилиши, мунтазам қатори.

Саф тортмоқ. Бир сафга тизилмоқ.

Шов-шув, ғала-ғовур бирдан босилиб, ҳамма сафга турди. — О. Ёқубов, Излайман

Душман сафи бузилиб, ҳар томон тўзиб кетди. — Нурали

Ёʻлнинг икки четида узун мирзатераклар саф тортган. — Н. Аминов, Суварак

2. кўчма Бирор жараён, фаолиятнинг энг қизғин ўрни.

Ҳар бир виждонли одам бу курашнинг олдинги сафида бормоғи лозим. — Газетадан

3. кўчма Бирор гуруҳга мансуб кишиларнинг мажмуи, қатори.

Ҳозирги долзарб кунлар масъулияти ҳар бир кишининг ўрни пахтазорда, теримчилар сафида бўлишини тақозо этмоқда. — Газетадан

Минглаб абитуриентлар талабалар сафига қўшилиш учун синов имтиҳонларидан ўтишяпти. — Газетадан

jaman, pás

от 1. Беғубор тозалик, мусаффолик, софлик.

Инсон туғилмоқда — янги бир одам Кўз очди тонготар сафоси билан. — Ж. Жабборов

Ўзбек тупроғидан келибман бу бор, Сенгадир ошифта қалбим сафоси. — А. Орипов, Йиллар армони

2. Хурсандчилик кайфияти, нашъу намо; ҳузур, гашт.

Кайф-у сафо қилмоқ.

[Гули:] Ғазалким, сўзлагай меҳр-у вафодин. Ғазалким, сўзлагай ишқдин, сафодин. — Уйғун ва И. Султон, Алишер Навоий

Бутун умрин кечириб кайф билан, сафо билан, Иши бўлмаган экан ўткинчи дунё билан. — Э. Воҳидов, Муҳаббатнома

3. Сафо (эркаклар исми).

от 1. Хизмат ёʻли билан ёки саёҳат қилиш, учрашиш мақсадида бирор ерга бориш; ёʻл.

Узоқ сафар. Бир ойлик сафар. Сафарга чиқмоқ. Сафарга отланмоқ. Сафардан қайтмоқ. Дўст сафар-да синалар. — Мақол

Сидиқжон икки кундан кейин сафар ҳозирлигини кўриб, тушга яқин ёʻлга чиқди. — А. Қаҳҳор, Қўшчинор чироқлари

Бир-икки ойлик сафардан қайтиб келсам, уйимда анчагина хатлар йиғилиб қолибди. — Шукрулло, Жавоҳирлар сандиғи

Сафаринг бехатар бўлсин, савдогар, Эсон-омон келгин Хитой элидан. — Ойсулув

2. Гал, марта; бор.

Ўтган сафар. Бу сафар. Ҳар сафар.

Ҳар сафар ҳаққушнинг ноласи эшитилса, Гавҳар аясининг пинжига кириб кетар эди. — Ў. Ҳошимов, Қалбингга қулоқ сол

Кимдир бўғилиб бақирди. Бу сафар Чарос аниқ эшитди. — Ў. Ҳошимов, Қалбингга қулоқ сол

от Одам жигаридаги безлар орқали мунтазам ишлаб чиқиладиган кўкимтир сариқ суюқлик; зарда, ўт.

Сафро одатда жигардан ўн икки бармоқли ичакка оқиб тушиб, сўнгра ингичка ичакка ўтади. — Н. Исмоилов, Касалларни парвариш қилиш

сфт. Хурсандлик кайфиятини бағишловчи, сафо бахш этувчи; сафобахш, гаштли.

Сафоли тун.

Ғуломжоннинг сафоли овози ҳар танга ширин жон бўлиб, ҳар онгга ойдин он бўлиб кириб борди. — М. Исмоилий, Фарғона тонг отгунча

Куй., қанчалар сафоли куй бу! Садоланган қайси гулшанда! — М. Али, Гумбаздаги нур