Қидирув

от 1. Розилик жавоби, розилик.

Ризо қилмоқ. Ризо бўлмоқ. Сукут — аломати ризо. — Мақол

Олимхон аканинг олдида сўз бердим. Ота ризоси — фотиҳа билан баравар. — Ойбек, Танланган асарлар

2. кесим взф. Рози, рози бўлди, кўнди.

Онажон, сизнинг шодлигингиз ёʻлида ҳар бир оғирликларга бу бахти қаро қизингиз ризо-дур, онажон!А — Қодирий, Ўтган кунлар

Эрта она тилим агар ёʻқолса, Мен бугун ўлишга бўлурман ризо. — Э. Воҳидов, Муҳаббат

от 1. Ҳаёт учун зарур озиқ, озуқа, қут, насиба, овқат.

Қунт билан ўрган ҳунар, Ҳунардан ризқинг унар. — Мақол

Меҳ-мон келар эшикдан, Ризқи келар тешикдан. — Мақол

Ҳар бир одам дунёга келар экан, ўз ризқи билан туғилади, деган гап бор. — Ёшлик

Ризқи она ерга сепилган халқим, Ушоқ чигитни ҳам этмай деб увол, Миллион эгатларга эгилган халқим. — А. Орипов

2. кўчма Бирор иш, ҳаракат ва шу кабилар учун асос бўлган нарса; озуқа, озиқ.

Қудрат ялмоғиз қашшоқликнинг заҳарли томирлари ўз [унинг] ризқини қаердан ва қандай олишини яхши билиб олди. — М. Исмоилий, Фарғона тонг отгунча

Отлар даштларда қўйларга қараганда кўпроқ чидамли бўлади, ўз ризқини бемалол топиб ейди. — Газетадан

Дон — инсоннинг, сомон — чорва молларининг ризқи. — Газетадан

Бу ўрик меҳнацевар деҳқоннинг меҳри ва муҳаббатидан ризқ олиб ўсарди. — Ш. Рашидов, Бўрондан кучли

3. дин. Қуръони карим, Ислом динига кўра, худо ҳар бир киши, жонивор учун атаган, ўлчаб, белгилаб қўйган насиба, улуш.

Карвон кўп, ризқи бўлак. — Мақол

Оллоҳ ёʻлида ҳижрат қилган, сўнгра қатл қилинган ёки вафот топган зотларни, албатта, Оллоҳ гўзал ризқ билан руҳлантирар. — Газетадан

Сен билан менинг тан-жонимиз соғ бўлса, бу жўжаларнинг ризқини худо беради — К. Яшин, Ҳамза

[Зеби:] Йигит моли ерда, ҳар кимни худойи таоло ўз ризқи билан яратади, ўғлим. — У. Исмоилов, Сайланма

Эй парвардигори олам, ўғлим Ҳамзахоннинг умрини узун, иқболини баланд, ризқини мўл қилгайсан. — К. Яшин, Ҳамза

сфт. 1. Озуқа, овқат моддасига бой бўлган; тўйимли.

Ризқли моддалар.

Ҳаводаги азотдан ризқли моддалар тайёрлайдиган бактериялар нўхат, ловия, беда ва бошқа ўсимликларнинг илдизида кўп бўлади. — Газетадан

2. Насибали, ризққа эга, ризққа бой.

— Болаларингиз ҳамма вақт ризқли бўлиш-син. Илло, ўзинглар ҳам катта савоб иш қилгансизлар, у дунё-ю бу дунё кам бўлмай-сизлар, — деди чол Меҳринисага. — Р. Файзий, Ҳазрати инсон

— Рост айтасиз, ризқли мол-да, қўлдан берганингизга қаноат қилмайди, энди кўклам чиқиб келаётир, бундан бу ёққа озгани озган, — деди канизлар. — Алпомиш

от 1. кт. Саккиз беҳиштнинг бири, розилик ва мамнуният жаннати.

Келдинг оламга, демак, Ерни этмоғинг керак Бўстон ўзинг, ризвон ўзинг. — Э. Воҳидов, Муҳаббат

2. кўчма Жаннатмисол боғ, боғ-бўстон.

Қиёсинг ой, қуёш бўлмиш азалдан Боболар куйлаган дилбар ғазалсан, Жаннацан, ризвонсан, юртим, гўзалсан. — У. Пўлкан, Бир баҳор достони

от кт. айн. Розилик.

Ризолик бермоқ. Ризолигини олмоқ.

Ўзбек ойим боши билан келинига ризолик билдириб, баракалла деб қўйди. — А. Қодирий, Ўтган кунлар

Кулингиз айтмоқчиманки, бундай муҳим ишда барча нуфузли бекларнинг ризолигини олмасак бўлмас. — П. Қодиров, Юлдузли тунлар

Ахир келган-кетганга ризолик бериб, видолашиб ётган эмиш. Мен ҳам сўнгги бурчимни адо этиб қўйсаммикан? Ёʻқ, энди дўстлик риштаси узилди! — С. Сиёев, Аваз

сфт. Ризқи ёʻқ, бенасиб.