Изоҳли луғат
· яна 4 та луғатда
от 1. Кўнгилга етган озор, алам.
Оламда ҳар нарса эсдан чиқиши, ҳар қандай ранж, кулфат кўнгилдан кўтарилиши мумкин, лекин уч ярим яшар бўлиб ўлган фарзанд доғи ёʻқ. — А. Қаҳҳор, Қабрдан товуш
2. эск. Меҳнат, машаққат.
Ибодулло махсум шунча жойдан ранж чекиб келибди-я, деб такрор ўйлади Эломонов. — М. М. Дўст, Галатепа қиссалари
Ҳақ ёʻлинда ким сенга бир ҳарф ўқитди ранж ила, Англамак осон эмас ҳаққин адо минг ганж ила. — Алишер Навоий
- Кўнглини ранж қилмоқ Бировни ранжитмоқ, кўнглига озор бермоқ.
- (Бировдан) ранж топмоқ (ёки чекмоқ) Бировдан ранжимоқ, озор топмоқ. Мард атаймиз кимки турса аҳд-у паймон устида, Чекса ҳам ранж, узмагай меҳрин қадрдон устида. — Ҳабибий