Qidiruv

ot 1. Baʼzi organ, tashkilot, idora, jamiyat va shu kabilarning boshligʻi, rahbari.

Ashurxon, raisning bevaqt kelishidan choʻchiganidanmi yo oʻzining gunohkorligini bilganidanmi, avval bir oz oʻzini yoʻqotgan boʻlsa ham, darrov oʻnglab oldi. S. — Zunnunova, Olov

Mahalliy komitet raisi topshiriqlarni oʻz vaqtida bajarish uchun qanchadan-qancha vaqt ketishini oʻylagan edi. — Gazetadan

2. Majlisni boshqaruvchi shaxs.

Majlis raisi.

Nutq davomida rais majlis ahlini ikki marta tartibga chaqirdi. — A. Qahhor, Nutq

3. tar. Diniy marosim va urf-odatlarning bajarilishini kuzatib boruvchi, shuningdek, oʻlchov va tosh-tarozilarning toʻgʻriligini tekshiruvchi mansabdor shaxs.

Aqlim olgan zargar qizi, Muftiy, aʼlam, rais, qozi, Tengdoshlarim, xush qol endi! — Bahrom va Gulandom

Oʻqi! Har qanday qiyinchilik bilan boʻlsa-da, oʻqi! Lekin qozi boʻlma! Rais boʻlma! Imom boʻlma!Agar mudarris boʻlsang, mayli. — S. Ayniy, Esdaliklar

ot 1. Rais ayol.

Kolxoz raisasi.

2. Raisa (xotin-qizlar ismi).

ot Rahbarlik, boshliqlik; bosh-qaruvchilik ishi.

Men mahallamizning qulubiga kirib kelganimda, orada qizgʻin bir muzokara davom etib, majlisning raislik lavozimatini muhtaram Toshpoʻlat aka ado qilar edi. — A. Qodiriy, Kichik asarlar

Oladigani raislik boʻlsa — olsin. — O. Yoqubov, Er boshiga ish tushsa

Yer islohoti oʻtkazilish oldidan qishloq kambagʻallar uyushmasi tuziladi va uyushmaning raisligiga Berdiboy saylanadi. — A. Qodiriy, Obid ketmon

ot Birgalikda raislik qiluvchi.

Oʻzbekiston xalq yozuvchisi Toʻlepbergen Qaipbergenov va taniqli tojik adibi Masʼud Mullajonov jamoatchilik qoʻmitasining raisdoshlari etib saylandilar. — Gazetadan

ot tar. Rais mahkamasi, idorasi (

Janobi oliy zamonlaridagi rais qochgandan keyin raisxona talanganda, men shu darrani olib, bir yerga yashirib qoʻyib edim. — S. Ayniy, Qullar