«қувноқлик» бўйича 5 та натижа: Ўзбекчадан
от 1. Қувноқ эканлик.
Унинг қувноқлиги ҳаммага ёқади.
2. Қувноқ кайфият, шод-хурсанд ҳолат.
Унинг бояги қувноқлиги ўрнини аллақандай босиқлик эгаллаган эди. — Н. Аминов, Қаҳқаҳа
Ҳурининг ўзи ҳам кўринишидан оғир бўлса-да, қувноқликни яхши кўрарди. — Ф. Мусажонов, Нури
сфт. 1. Доим, табиатан хуш кайфиятли; хушчақчақ.
бу оиладагиларнинг ҳаммаси ҳам самимий, қувноқ ва оқкўнгил эканлигига ишонган сайин, бу ўнғайсизлик ўртадан кўтарилиб борарди. — С. Зуннунова, Олов
Маҳди табиатан қувноқ, куйди-пишди эди. — С. Сиёев, Ёруғлик
2. Шод, хурсанд кайфиятли; қувончга тўла.
Ҳаммалари қувноқ, эгинлари башанг. — С. Зуннунова, Кўк чироқлар
У бугун жуда қувноқ. — Т. Ашуров, Оқ от
Бари ўтиб кетди бир туш мисоли, Эслайман гоҳ маҳзун, гоҳида қувноқ. — А. Орипов, Йиллар армони
3. Шод-хуррамлик акс эттирувчи, ифодаловчи.
Мен саҳналаштирган қувноқ комедия ҳам шу ҳақда — Газетадан
Тошкент уз-бекнинг санъати, товуши, Қувноқ музикаси, куйи, обрўси. — Ғ. Ғулом
Ўша қувноқ кулги, ҳазил энди қандайдир жиддият, ўй ва ғазаб билан аралашиб кетган эди. — С. Зуннунова, Олов
жўшқинлик Тўлқинланиш, оташинлик; ҳаяжон. Кўча боғи унинг овозига қовушиб, ажойиб қувноқлик, жозибали бир жўшқинлик билан янграрди. М. Исмоилий, Фарғона тон
хушчақчақлик Қувноқлик, хурсандчилик, яхши кайфият. — Ислом Норович, — деди у хушчақчақлик билан, — ҳамма соҳага бир кўз билан қараладиган бўлди. Н. Аминов,
соддадиллик Қувлик-шумликни билмаслик; софдиллик; гўллик, лақмалик. Шўхлик ва қувноқлик, самимийлик ва соддадиллик болаларга хос хусусиятлардир. Газетадан Соддадилли
