fl. 1. Juda kuchli, jarangli ovoz chiqarmoq; baqirmoq.
— Yolgʻon! — Gʻulomjon dahshatli qichqirdi. — M. Ismoiliy, Fargʻona tong otguncha
Poyezd qichqirganini eshitib, yuragim bir orziqib ketdi. — Shuhrat, Shinelli yillar
2. Qattiq ovoz bilan chaqirmoq.
Poyezdning ochiq derazasidan kimdir Abdurahmon, deb qichqirdi. — S. Siyoyev, Yorugʻlik
3. Chaqirmoq (xoʻrozning tovushi haqida).
Qoʻndoqdagi xoʻroz choʻzib-choʻzib qichqirdi. — Oʻ. Hoshimov, Qalbingga quloq sol
4. koʻchma Hammaga ovoza qilmoq, jar solmoq.
Masʼul ishchilarning shu chiqishlari toʻgʻrisida gazetalar bir necha haftalargacha qichqirdi. — A. Qahhor, Sarob
- Xoʻroz hamma joyda bir xil qichqiradi Hamma joyda ahvol birday, degan maʼnoli ibora. Hamma joyda xoʻroz bir xil qichqiradi, deganlari rost ekan. Bizda ham shunday. — Mushtum