от 1. қ.х. Ёнма-ён жўяклар орасидаги, одатда қатор қилиб экин экиладиган узун ер бўлаги, экин палак отиши учун қолдирилган бўш жой.
Қовун пуштаси.
Бир-икки қадам юргандан кейин эса, бирдан помидор пуштасида кундадай ғўдайиб турган эрига бир қаради-ю, юришиниям, юрмаслигиниям билмай қолди. — А. Кўчимов, Ҳалқа
Қиз қошиқдай қора туфлисининг учи билан эгат пуштасини шиббалади. — С. Нуров, Майсаларни аёз урмайди
2. Икки ток қатори орасидаги ёки иш-ком ўртасидаги бўш жой.
Боғда саккиз узун ишком, ҳаммасининг поялари яхши ишланган, пушталари чопилган. — Ойбек, Танланган асарлар