Qidiruv

ot 1. fiz. Elektr yoki magnit maydonining maʼlum nuqtadagi holatini belgilaydigan miqdor, kattalik.

Hujayradan chiquvchi kaliy ionlari hujayra membranasining ichki va tashqi sirtlari oʻrtasida doimiy elektr potensialini paydo qiladi. — Fan va turmush

2. Biron-bir jihatdan imkoniyatlar, kuch-qudrat darajasi; foydalanilishi mumkin boʻlgan vositalar, imkoniyatlar majmui.

Oʻzbekiston Respublikasi oʻz siyosiy va iqtisodiy mustaqilligini himoya qilish imkonini beradigan yetarli potensialga ega. — Gazetadan

Buxoroning yer osti va yer usti boyliklari, moddiy potensiali juda buyuk. — Gazetadan

3. Foydalanilishi mumkin boʻlgan, ammo roʻyobga chiqmagan.

Potensial imkoniyatlar.

Vatanimiz janubiy chegaralari yaqinidagi qurolli mojarolarning oʻchoqlari harbiy xavfning potensial manbalaridir. — Gazetadan

Muhimi — mavjud ilmiy potensialdan foydalanish, shu potensisiti tezroq ishga solish. — Gazetadan

Elementar zarralarning oʻzaro taʼsirlashuvining fizik tabiati bilan aniqlanadigan fazoviy soha boʻlib, undagi zarraning potensial energiyasi tashqaridagidan katta boʻladi; bu sohaning ikki tomonida zarraning potensial energiyasi yetarli darajada kamayadi.

Kimyoviy tarkibli ikki eritmaning kontakt joyida yuzaga keladigan elektr potensiallar farqi (XBTdagi birligi — volt, V).

Elektron atom yoki molekula bilan toʻqnashganda ularning berilgan uygʻotilgan holatga oʻtishini yuzaga keltirishi mumkin boʻlgan energiya darajasigacha uning tezlanishini taʼminlovchi elektr potensiallar farqi (XBTdagi birligi — volt, V).

Anod toki nolga teng boʻlib qoladigan elektron lampaning boshqaruvchi toʻri yoki elektron-nurli naychaning boshqaruvchi elektrodining potensiali.

Magnit induksiyani tavsiflovchi vektor kattalik (XBTdagi birligi — tesla, Tl).