Қидирув

фл. Порилламоқ феълининг орттирма нисбати.

фл. 1. Кучли нур сочмоқ, гуруллаб ёнмоқ.

Ҳуройимнинг уйида катта чироқ пориллаб ёниб турибди, балахона орқасидан ярқираб ой кўтарилмоқда. — У. Исмоилов, Сайланма

Кимдир пирпираб турган машъалага керосин қуярди, машъала пориллаб кетарди. — Газетадан

2. кўчма Ялтирамоқ, ярқирамоқ, ёнгандай бўлиб кўринмоқ.

[Каримжоннинг] Қошкўзлари пориллаб ёқимтой чеҳрасига қизиллик югурди. — М. Исмоилий, Одамийлик қиссаси

Касал кўзлари пориллайди, қоронғи кулбага қандайдир ёруғ киргандай бўлди. — М. Исмоилий, Фарғона тонг отгунча

3. тақл. с. Пор-пор этган товуш чиқармоқ.

Кўп ўтмай ҳовлидан мотоцикл моторининг пориллаган товуши эшитилди. — М. Хайруллаев, Кўнгил

от 1. Парчаланган нарсанинг бир қисми; бўлак, парча.

Пора бўлмоқ. Пора қилмоқ.

Қудрат, тахта пораси устида ҳушсиз қолган Фарҳоддай, ўз ихтиёрини унга бериб ожиз қолди. — З. Фатхуллин, Сўнмас юлдуз

Бургут уни чангалга олиб, Мушук жағин қилибди пора. — Я, Қурбон

Ўсма қўйдинг-му қошингга, Бунчалар ҳам қорадур, Билмадим, бу қошларингдан Қанча диллар порадир. — Э. Воҳидов, Ёшлик девони

Сенинг юрагингда лахта-лахта қон, Сийнанг нималардан бўлмаган пора. — А. Орипов, Йиллар армони

2. эск. кт. Тўда, тўп, гуруҳ.

Мен бир пора йигитларни олиб, ёвнинг орқасига ўта билдим. — Ойбек, Навоий

3. эск. кт. Асарнинг тугал қисмларидан бири; қисм, бўлим; боб.

Ўттиз пора қуръонни ёд олмоқ.

от Денгиз ёки дарё қирғоғида кемалар турадиган ва таъмирланадиган, юк юклаш ва туширишга мўлжалланган, кемаларни ноқулай об-ҳаводан муҳофаза қилувчи иншоотлари бўлган, махсус жиҳозланган жой.

Денгиз порти, Порт осмонини қора тутун қоплади. — Ҳ. Ғулом, Замин юлдузлари

Дунёдаги энг гавжум порт Ротердам (Голландия) ҳисобланади. — Газетадан

от 1. с. т. Башанг, олифта.

Улардан бири шимига гард юқтирмаслик учун икки ёнидан кўтариб олган, авайлаб қадам босаётган пўрим йигит Шавкат эди. — Ж. Абдуллахонов, Тонг ёришган соҳилда

— Жа пўрим бўлиб олибсанлар, — деди у дўлвор табиатига ярашмайдиган жиддий қиёфага кириб. — Шарқ юлдузи

2. Зеб берилган, ҳашамдор.

Биздан нари уч қишлоқнинг колхозида Ҳисобчимиш, пўрим ойнак шум кўзида. — Ғ, Ғулом

— Сиз, — деди Азмиддин калта сийрак соқолини пўрим тарашлаган Бўронбекка қараб. — Сиз, Бек жаноблари, Камол билан бирга Раҳмонқул қароргоҳига жўнайсиз. — Ғ. Ғулом, Машъал

от Дидга мос келадиган, кўнгилдагидек, ёқимли.

Пором келмоқ.

— Бу ер менга пором келиб қолди. Хизматни аямадим, — деди Шум бола. — Ғ. Ғулом, Шум бола

Комиссиянинг сўзлари Авазбойга унча пором келмади. — Н. Сафаров, Оловли излар

Кино муҳаббатдан баҳс қиладиган бўлганидан жуда дуруст, айниқса, менга пором эди. — Ғ. Ғулом, Танланган асарлар