fl. Pishirmoq feʼlining majhul nisbati.
Qidiruv
«pishirilmoq» boʻyicha 37 ta natija: Oʻzbekchadan
Filtr
Lugʻat turi
Lugʻat maqolalari
37 ta
Izohli lugʻat
· yana 5 ta lugʻatda
fl. 1. Oʻsib, rivojlanib, tarkibi yaxshilanib, isteʼmol qilish yoki ishlatish uchun yaroqli holga kelmoq, yetilmoq (meva, sabzavot, don, suv kabilar).
Qulupnay pishdi. Pomidor pishgani yoʻq.
Mol oʻtmaydigan balandlikdagi devorlari ham nuragan, bogʻ ichidagi olma va togʻolchalar esa pishib yotibdi. — Sh. Xolmirzayev, Yoʻllar, yoʻldoshlar.
Mana bu uzumni oling, juda yaxshi pishibdi. — Oybek, Tanlangan asarlar
Qora giloslar gʻarq pishib, shoxlari tomga tushib turar edi. — M. Ismoiliy, Fargʻona tong otguncha.
Oqar suvlarning barchasi pishgan, yer ostidagi kam harakatdagi suvlar xomdir. — Gazetadan
2. Rivojlanib yetilmoq.
Pishmagan novda. Pishgan urugʻ.
Egatlardagi tutlarning novdalari pishibdi. — M. Ismoiliy, Fargʻona tong otguncha
3. Qaynatish, qovurish, dimlash va shu kabilar natijasida isteʼmol uchun tayyor boʻlmoq.
Palov pishdi. Tuxum pishdi. Non qizarib pishdi. Bermasning oshi pishmas, pishsa ham, qozondan tushmas. — Maqol
Pishgan oshning umri qisqa. — Maqol
Kechki norin uchun katta qozonda yogʻli qazi pishadi. — Oybek, Tanlangan asarlar
Qurbonning bir tomonida pishib qotib ketgan kaboblar ustma-ust taxlab qoʻyilgan. — E. Usmonov, Yolqin
Feruz birla bir xonada oʻtirib gurung etmakka, bir qozonda pishgan taomni yemakka op qilganimi bu? — S. Siyoyev, Yorugʻlik
4. Oʻtda ishlov yeb, zarur texnologik xususiyat kasb etmoq.
Gʻisht yaxshi pishibdi.
5. Toblanmoq, qoraymoq; chiniqmoq.
Oftobda rosa pishdik.
— Oho, agronomcha, — dedi Hamdam qoshini chimirib, — dalada rosa pishibsan-ku. — H. Ahmar, Kim haq?
Yoshlar ishlasin, pishsin, endi bizlar charchab qoldik, desak ham, qari bilganni pari bilmas, deb yuz baloga roʻpara qilishaveradi. — S. Nurov, Narvon
Shukurovning oftobda pishgan qoracha yuzi, sal qisilgan qoʻy koʻzlariga chuqur oʻychanlik choʻkkan edi. — O. Yoqubov, Diyonat
6. s. t. Toʻlishib, yorilish darajasiga kelmoq (yara-chaqa haqida).
Malham qoʻyilsa, chipqon tez pishadi.
7. koʻchma Umri oxiriga yetib, qartayib, oʻlimi yaqinlashmoq.
— Oʻzi pishib qolganday-ku, Nazar aka, — dedim.
— Qoʻying, uch-toʻrt kunligi bormi-yoʻqmi. — M. M. Doʻst, Lolazor
Eshon ayaning birdan-bir niyati — qoʻlda qolgan qoʻr-qutlarni saqlab qolish, pishib, hilvirab turgan eshonni oʻz maskaniga qoʻyib, boyliklarga ega boʻlish. — S. Ahmad, Hukm
8. koʻchma s. t. Hal boʻlmoq, tayyor boʻlmoq.
Ish pishdi — Teshaboyning oʻrniga sizni brigadir qilmoqchi boʻldik. — Uygʻun, Doʻstlar
[Egam xotiniga:] Gapni boʻlma! Hoy, nari bor! Ish pishdi. — Shukrullo, Saylanma
Munavvar, Nazokat fojiasini oʻz fojiasiday yuragiga yaqin oldi. Shungami, postanovka tez pisha qoldi. — S. Anorboyev, Mehr
9. koʻchma Mukammal holga kelmoq.
Fikrlar pishib, yetilib, yurakdan toʻlib chiqmasidan asar yozishga, ayniqsa, uni nashr etishga shoshilish kerak emas. — Shukrullo, Javohirlar sandigʻi
Bu hol Oybekning dastlab oʻz xayolida pishib yetilgan epizodlarnigina yoza boshlaganini koʻrsatadi. — OʻTA
10. koʻchma Oy-kuni yaqinlashmoq.
Shuni yaxshi bilingki, ishingiz endi koʻp boʻladi. Pishib turgan xotin koʻp. Uyma-uy yurib, konsultatsiya berasiz. — S. Ahmad, Choʻl shamollari
- Ichi pishmoq Qoʻziboyning ichi pishib ketayotgan edi. U choʻqqiga chiqib, Toshbuloqni topishga ham, boshqa vaqtdagiday, birinchi boʻlish payida edi. — H. Nazir, Soʻnmas chaqmoqlar
- Ichidan pishgan Aslida Toʻpori judayam unchalik toʻpori emas, ichidan pishgan, oʻlguday quv, quvligi shunchalikki, biror oʻn besh yildan beri Oshnoga dovdirroq boʻlib koʻrinmoqning uddasidan chiqyapti. — M. M. Doʻst, Lolazor
- Kalla pishmoq Uyquga toʻymoq. — Kalla pishdimi, polvon? — dedi Toʻlanboy sabzi taxtadan bosh koʻtarmay. — S. Ahmad, Ufq
- Koʻzi pishmoq Mahkam ustanikida mustaqil ishlamagan boʻlsa hamki, koʻzi pishgan, qoʻli koʻp narsaga oʻrganib qolgan edi. — R. Fayziy, Hazrati insonJang koʻrib, qon toʻkib koʻzi pishib ketgan Anvar., bunday paytda aytiladigan bir ogʻiz soʻz, hatto bir imo taqdirni hal qilib yuborishini ham bilardi. — Sh. Xolmirzayev, Qil koʻprik
Izohli lugʻat
· yana 2 ta lugʻatda
und. s. Mushukni haydash uchun ishlatiladi.
Mushukka pisht demagan tovuqqa kisht dermidi? — Maqol
- Mushugini pisht demaslik Hech qanday ozor yetkazmaslik, qattiq gapirmaslik. Qalandarlar halqasi daxlsiz edi, xonlikda birovlarning mushugini pisht demasdi. — S. Siyoyev, AvazEndi uyga bemalol borsam boʻladi, deb xayol qildi, qani, birov mushugimni pisht, deb koʻrsin-chi. — M, M. Doʻst, Lolazor.
Izohli lugʻat
· yana 1 ta lugʻatda
ot shv. Mushuk.
Bashirjon: Nega pishak shokolad yemas ekan-a? deya oʻylay boshladi. — N. Aminov, Qahqaha
Indan chiqib, pishak bilan hazillar, Magar ajal qoʻmsab kelsa sichqonga. — Alpomish
- Pishagini pisht demoq Ertalab turib, dalaga yoʻl oladi. Charchadim demaydi, ishim bor, javob beringlar, deb hech kimdan iltimos qilmaydi. — Yoshlik
Izohli lugʻat
· yana 5 ta lugʻatda
PISHIQ 'chiniqqan', ' mustaqkam'. U endi tur— mushning ogʻir kulfatlarini yengib, p i sh i q yigit boʻlib yetishgan edi (Parda Tursun). Bu sifat ' chiniq—' maʼnosini anglatuvchi pishi— feʼlidan —q qoʻshimchasi bilan yasalgan: pishi— + q = pishiq. Maʼnoni kuchayti — rish maqsadida bu soʻzni pishshiq tarzida talaffuz qilish ham mavjud. 1 Pishgan, pishib yetylgan (meva, sabzavot, don va shu kabilar haqida). Olmani xom, pishiq aralash termoq. yash [Amlokdor:
ot 2. ot Poliz ekinlari, meva, sabzavot kabilarning pishgan vaqti, mavsumi (shu narsalarning nomi bilan qoʻllanadi). Qovun pishigʻi. Tut pishigʻi. Avji oʻrik pishigʻi. sht Bugʻdoi, joʻxori pishigʻida.. yengil charxini yelkasiga solib, oʻgʻilchasini yetaklab, dala aylanadi, oʻroq charxlaydi. A. Qahhor, Sarob. Tut pishigʻi edi. Peshindan keyin hovlida kartoshka chopiq qilayotgandim. M. Mansurov, Yombi
3. Tezda sinmaydigan, yirtilmaydigan, uzilmaydigan, buzilmaydigan; puxta, mustahkam, qattiq, chidamli. . [Unsin |
Pishiq chit. Pishiq charm. tya [Maston] Oyogʻidagi pishiq agʻdarma etikni koʻzdan kechirdi — A. Qahhor, Maston
Mahsining choki pishiq boʻlsin uchun, mumli yopishqoq ipni har qatimda barmoqlari bilan “qir-qir ” tortib qoʻyardi — Oybek, Tanlangan asarlar
4. Eshilgan, pishitilgan, chiyratma
5. Oʻtda, olovda pishirilgan
Pishiq gʻisht. yash Xayrullayev oldida Shamsi Toʻrayevich darvozaxonaning bir burchagiga terib qoʻyilgan pishiq gʻisht uyumini unga [Bashirjonga] koʻrsatdi — N. Aminov, Suvarak
6. Jismoniy jihatdan baquvvat, miqti, chayir
Qoʻl olib koʻrishar ekan, uning pishiq jussasiga, bolalarcha iymanib turgan koʻzlariga qaradi — S. Ahmad, Ufq
Vujudidan oʻsmir bolalarday kuch-gʻayrat toʻlib turar, gavdasi pishiq, terilmagan quyuq qosh ostida oʻychan yumaloq koʻzlari timqora boʻlib koʻrinar edi — A. Muxtor, Davr mening taqdirimda
7. koʻchma Oʻz ishiga puxta, birovga soʻzini bermaydigan, haqini oldirmaydigan. Pi-shik, soʻzamol kampir, har xil bahona topib, kunda birikki marta boynikiga kirar edi. Oybek, Tanlangan asarlar. U \Abdurasul\ endi turmushning ogʻir kulfatlarini yengib, pishik yigit boʻlib yetishgan edi. P. Tursun, Oʻqituvchi
Pishiq boʻl. Nima maqsadda yurganingni hech kim bilmasin — P. Tursun, Oʻqituvchi
8. Oʻz narsasini, mehnatini birovga anoyi qilmaydigan, qattiq. Kuzda togʻamdan pul olib yuboraman-da. Lekin qarindoshlarimiz oʻlguday pishik odamlarga oʻxshaydi. Oybek, Tanlangan asarlar
9. koʻchma Asosli ravishda ishlangan; yaratilgan; puxta. ™ | Hakimov | . Ostonbek agronomlik maʼlumoti borligiga shahodatnoma olib kelgandi, dadasi oʻgʻlining ishni pishik kilganidan xursand boʻldi. "Yoshlik". Boʻri Paygʻamov, Pusratbek-ning oldin — jurnallarda jiddiy, pishik maqolalarini oʻqiganda, koʻz ostiga olib Koʻygan, bu yerga ataylab uni koʻrish, koʻngliga qoʻl solish uchun kirgan edi. S. Nurov, Maysalarni ayoz urmaydi
Pishik asar. Pishiq ish qil-mok■
Eshonboyev tez oʻsib kelayotgan kadrlardan ekanini, ancha pishiq ilmiy ish yozganini aytdi — P. Qodirov, Uch ildiz
10. Ziyrak, uddaburon. Men boshqa narsa demoqchiman: ishning koʻzini biladigan odam, pishik, xat-savodi bor., shu odamni sekretarlikka tavsiya qilsak, demokchiman. A. Qa\\or, Qoʻshchinor chiroqlari
Izohli lugʻat
· yana 1 ta lugʻatda
ot esk. ayn. Richag.
Yana tushki smenaga oʻtgan kunlarimiz edi. Vishkaning tepasidagi pishangning oʻqi sal qiyshayib qolgan ekan. — P. Qodirov, Qadrim
- Pishang bermoq Biror xatti-harakatga undamoq; ataylab gijgijlamoq. Balki Raim oqsoqolning oʻzi Shukur bazzozga pishang bergandir. Bunisini Raim oqsoqol aytmaydi. — M. M. Doʻst, Galatepaga qaytishMamat qassob, odatda, mushtlashuvga aralashmaydi, bir chetda oʻgʻillariga pishang berib turadi. — YoshlikAshur hamishagi chapdast usullarni qoʻllay-qoʻllay, raqibining solqi belbogʻidan ilib oldi. — Qaytarib bos? — deya pishang berdi kimdir baralla. — Sharq yulduzi