Қидирув

от 1. Ипак қурти ғумбакка айланишдан олдин ўз устига ўраб ҳосил қилган қобиқ, ипак қуртининг маҳсули; табиий ипак олинадиган хомашё.

Пахтанинг ҳар шонаси — Мўл ҳосил нишонаси. Пилланинг ҳар толаси — Шойи-атлас онаси. — Қўшиқлар

Пилла қуртлар сўрида, Уйимизнинг тўрида, Тут барг ейди вишиллаб. — Қ. Ҳикмат

2. Кўпгина ҳашаротлар ғумбагининг ҳимоя қобиғи.

3. тиб. Тиш милкининг шишиб, йиринг бойлаши.

от Ипак қурти боқиш ва пилла етиштириш билан шуғулланувчи киши.

Қишлоқ ўқитувчиси қиссаномам унинг қаҳрамони — Давлат мукофоти лауреати, новатор пиллачи, қишлоқ ўқитувчиси Олияхон Султонованинг издошларини етиштирди. — Н. Сафаров, Оловли излар

от айн. Пиллачи.

Пиллакор-у чорвадор, ғаллакор, боғбон-у соҳибкор — ҳаммасининг юзи ёруғ. — Саодат

— Катта консерт! — деб кулди секретар, — пиллакорларнинг йиғини бор, шахсан саркотибнинг ўзлари қатнашади. — С. Сиёев, Отлиқ аёл

от 1. Пиллани махсус ёʻл билан ишлаб, ундан ипак олувчи, пилла тортувчи киши.

[Низомжоннинг] Қиладиган иши — пиллакашларнинг қозонига ўт қалаш. — С. Аҳмад, Уфқ

Пилла тортишда пилла сиртидаги чулғамлар, ипак толаси ва пилла ичидаги чулғанмайдиган парда олинади. — Ўзме

2. айн. Пиллачи.

от 1. Зина ёки нарвоннинг ҳар бир поғонаси, босқичи; поғона.

Жўрабой уйқусизликдан мудраб, зинанинг икки-уч пиллапоясига баравар оёқ ташлаб юборган эди, қалқиб кетди. — С. Аҳмад, Қадрдон далалар

Бир оёғини вагоннинг юқориги, бир оёғини пастки пиллапоясига қўйиб турган Саодатнинг кўзи онасида эди. — Н. Сафаров, Саодатнинг қиссаси

Тезда орқасига қайтди-да, тепаликнинг нариги томонидаги махсус пиллапоядан пастга тушиб, боланинг олдига чопди. — С. Зуннунова, Олов

2. кўчма Босқич, кўтарилиш босқичи.

Ҳақиқий илм фидойилари фаннинг машаққатли, аммо фахрли пиллапоялари сари илгарилаётиб, ўзларини очилмаган қўриқ сари бораётгандай ҳис этишади. — Газетадан

Ҳаёт инсонни аста-секин вояга етказар, ўз пиллапояларидан бирин-кетин етаклаб чиқаверар экан. — Ёшлик

от Пилла қурти боқиладиган, пилла етиштириладиган махсус жой, хона.

Инкубаторлар учун жой тайёрлаш, пиллахоналарни ремонт қилиш, ёқилғи жамғариш, биноларни дезинфексиялаш ишлари авж олиб кетди. — Газетадан