Поиск

pazzandachilikka oid atama

sft. Laziz taomlar pishirish sanʼatini yaxshi egallagan kishi, mohir oshpaz.

Pazanda ayol.

Buvim xoʻp pazanda-da, har qanaqa tomoqqa maza kiritib yuboradi. — H. Nazir, Yonar daryo

[Jurnalda] Har xil taomlarni qanday pishirish haqida pazandalarning tajribalari bosiladi. — S. Ahmad, Qadrdon dalalar

ot 1. Turli oʻsimlik va hayvon mahsulotlaridan ovqat tayyorlash, pishirish sirlarini bilish.

Qudrat Xadicha ayaning pazandaligini endi bilayotgan boʻlsa-da, uning boshqacha taʼrifini ilgari eshitgan edi. — H. Nazir, Soʻnmas chaqmoqlar

Boshliq har gal mantini ogʻziga solayotganda, kelinning pazandaligini maqtab, Orifjonning qoʻli ochiqligini taʼriflab turdi. — S. Ahmad, Saylanma

2. Laziz taomlar tayyorlash sanʼati.

Pazandalik ilmi.

Chunonchi, pazandalik sanʼati ham boshqa sohalar kabi hech qachon xolis taraqqiy eta olmaydi. — K. Mahmudov, Oʻzbek tansiq taomlari

Jahon pazandaligida sutdan tayyorlanadigan mahsulotlar ichida eng xili koʻpi bu pishloq ekan. — Gazetadan

Bundan ikki yillar burun milliy pazandalik mavzusida bir necha maqolalar yozib berishimni iltimos qilishdi. — Gazetadan

ot Laziz taomlar tayyorlash mahorati va sanoati.

Oʻzbek pazandachiligida texnologiya jarayoni mukammallashib, nonning xillari benihoya koʻpaydi. — Gazetadan