Толковый словарь узбекского языка
· ещё в 4 словарях
ot Qoʻnjli poyabzal kiyilganda, oyoqqa oʻraladigan mato.
Uning bir poy botinkasi titilib ketgan, ichidagi paytavasi osilib, yurishga xalaqit berardi. — S. Karomatov, Oltin qum
Toʻraqulning oyogʻi muzlab qolayotganday edi. Nam paytavadan oʻtib, sovuq ignaday sanchilardi. — A. Koʻchimov, Halqa
Sanobarxon oyogʻiga paytava oʻrab, mahsisini kiydi. — S. Zunnunova, Gulxan
- Paytavasiga qurt tushdi Bezovta boʻlib, tashvishlanib, yelib-yugurib qoldi. Gʻayratning yoʻqligi ertalab maʼlum boʻldi. Hamma tashvishga tushdi. Ayniqsa, oʻqituvchilarning paytavasiga qurt tushdi. — M. Hazratqulov, JurʼatHudaychi joʻnagach, qoʻrgʻonbegining paytavasiga qurt tushib, tipirchilab qoldi va u yoqdan bu yoqqa yugura boshladi. — A. Qodiriy, Oʻtgan kunlar
- Pataki-paytava Koʻchma Xushomadgoʻy, sermulozamat. Yoʻq yerdagi doʻstlaring birdan ostonangda paydo boʻlib, senga pataki-paytava boʻlishadi. — N. Qobil, Unutilgan sohillar[Uzunsoyliklar] Mansabing boʻlsa, senga pataki-paytava boʻladi. — N. Qobil, Unutilgan sohillar