Поиск

adv following

sft. 1. Yuqori tomon oʻlchami, qaddi, boʻyi uncha baland boʻlmagan, balandligi, boʻyi nisbatan qisqa; pakana, pastak.

Past devor. Past boʻyli daraxt. Boʻyi past odam.

Bogʻning atrofi eski, past, lekin yamalib, yasalib butunlangan devorlar bilan oʻralgan. — Oybek, Tanlangan asarlar

Shu zahoti hovlida past boʻyli yigit paydo boʻldi. — Sharq yulduzi

2. Uncha chuqur boʻlmagan, sayoz.

Past daryo.

3. Miqdori, darajasi, narxi uncha katta, baland boʻlmagan, nisbatan kam, oz, quyi.

4. Shiddati, kuchi, darajasi uncha katta boʻlmagan, nisbatan kuchsiz, zaif (issiqlik, bosim kabilar haqida).

Past temperatura.

Strelka sal koʻtarildi-yu, yana holi kelmay, pastga tushdi. Ortiq, benzin qancha qolganini koʻrib, oʻzining ham kapalagi uchib ketdi. — M. Mansurov, Yombi

5. Uncha baland boʻlmagan, boʻsh (ovoz, nota kabilar haqida).

Keyin begunoh koʻzlarini Alimardondan uzmay, yana oʻsha past, oʻychan ohangda gapirdi. — Oʻ. Hoshimov, Qalbingga quloq sol

U oʻzini bir oz tutib oldi-da, past ovozda davom etdi: — Qoʻrqmang, institutdan haydamaymiz. Lekin odam degan bunaqa mahmadona boʻlmaydi. — Oʻ. Hoshimov, Qalbingga quloq sol

6. Sifati uncha yaxshi boʻlmagan; oddiy, joʻn.

— Koʻp xonali uylar qurish masalasiga kelsak, avvalo, bizda sifat past, — dedi Yodgor oʻylanib. — Qoʻlingizni choʻzsangiz, shiftga tegadi. — Oʻ. Hoshimov, Qalbingga quloq sol

Lekin agar biron yosh yozuvchi oʻz imkoniyati darajasidan pastroq asar yozsa, uni darrov ogohlantirib qoʻyar edilar. — K. Qahhorova, Chorak asr hamnafas

7. Unchalik yaxshi emas, yurishmagan (“baxt”, omad, tole kabi soʻzlar bilan).

Ha, oʻsha tolei past Jamila. — Hamza, Boy ila xizmatchi

8. Seryogʻin, yomon, sovuq;

Bu yil havo past keldi.

Barg yetilmayapti, bahor past keldi. — A. Muxtor, Kumush tola

9. Kelib chiqishi, nasl-nasabi yuqori tabaqalarga xos boʻlmagan, asilzoda emas.

[Qizning] Yuzida oz-moz chiroyi boʻlgani bilan, oʻzi tagi past. Sizning ostonangizga sira arzimaydi. — Hamza, Tanlangan asarlar

[Imom:] Otasini koʻndiramiz, uning tagi past, jazosi pul-da. — J. Sharipov, Xorazm

10. ayn. Pastkash.

Hammaga ham qiligʻingiz shumi yoki meni shunday past xotin deb oʻyladingizmi? Oydin, — Ikki koʻzi shunda

Past kishida odamiyat nima qilsin. — A. Qodiriy, Mehrobdan chayon

Dengiz tubida dur, ustida choʻp-xas, Oʻzgani past bilur kimki oʻzi past. — Sh. Shomuhamedov, Odam borki

11. Nisbatan quyi oʻrnashgan joy; pastlik, chuqurlik.

Pastga tushmoq.

Alimardon sirgʻanib, sohildan avaylab yurib, pastga tushdi. — Oʻ. Hoshimov, Qalbingga quloq sol

Olmani tutib, orqasiga qaytsa, tut shoxidan shoshib, pastga yoshgina bir qiz tushib kelyapti. — S. Zunnunova, Olov

12. s. t. Yer, pol.

Chelakni pastga qoʻy.

13. Uyning kiraverishidagi eshikka yaqin joy; poygak.

Ibodulla ham akasidan bir qadam pastga tiz choʻka qoldi. — H. Gʻulom, Mashʼal

Etigi loy boʻlganidan, Yoʻlchi tanchaga oʻtirmay, namatning uchini qayirib, pastroqqa choʻkkaladi. — Oybek, Tanlangan asarlar

ot Tibbiyot, kosmetika, pazandalik, rassomlik sohalarida qoʻllanadigan turli xil xamirsimon moddalarning umumiy nomi.

Tish pastasi. Sovun pastasi. Antiseptik pasta. Boʻyoq pastasi.

Birinchi qilgan ishim — yuzimni ikki-uch qayta sovunlab yuvib, ogʻzimni chayib tashladim. Uyga borib, tish pastasi bilan ham yuvdim. — Yoshlik

sft. s. t. Boʻyi unchalik baland boʻlmagan, past, pakana.

Pastak devor. Pastak uy.

Umid xayollar ogʻushida mast edi. U jimjit xonada derazadan pastak tomlarga, etda-betda qoʻqqayib turgan moʻrilarga tikilganicha, xayol nahrida suzardi. — Mirmuhsin, Umid

Pastak uylarning loysuvoq tomlari yaxshilab kuralgan, ikki tomondan tushgan qor tor koʻchani toʻldirib yuborgan, chekkada ingichka soʻqmoq yoʻl qolgan edi. — Oʻ. Hoshimov, Qalbingga quloq sol

арабскийالى التحت, Илат таҳтрусскийВнизанглийскийDown

rvsh. 1. Pastda oʻrnashgan, joylashgan, nisbatan quyidagi, pastdagi.

Binoning pastki qavati. Daraxtning pastki shoxlari. Pastki jagʻ. Pastki lab.

Sixlarda kabob kelgach, Bozorov javonning pastki tortmasini ochib, bir shisha besh yulduzli konyak oldi. — I. Rahim, Chin muhabbat

Tohir pastki qavatdagi ochiq eshiklarga bosh tiqib qaradi. — P. Qodirov, Yulduzli tunlar

2. Quyi, boshlangʻich, birinchi bosqichdagi.

Pastki kurs,

Qori pastki sinflarni oʻqitar va har yoz oʻqituvchilar qayta tayyorlov kursida oʻqib, bilimini oshirib turardi. — P. Tursun, Oʻqituvchi