ot 1. Muayyan davlat fuqarosi ekanligini va egasining shaxsini koʻrsatuvchi va tasdiqlovchi asosiy hujjat.
Muddatsiz pasport. Pasport olmoq.
— Pasportingizni bering, — dedi [xodim] tortmasidan qandaydir qogʻozni olarkan. — X. Sultanov, Onamning yurti
Pasport yozish idoralari xodimlarining til bilmasligi ham qanchadan-qancha kashfiyotlarni keltirib chiqarmoqda. — Mushtum
2. Korxona, bino, texnologik qurilma, asbob-uskuna qismi, transport vositasi va shu kabilar haqidagi asosiy maʼlumotlar qayd etilgan hujjat, guvohnoma.
Avtomobil pasporti. Televizor pasporti. Magnitofon pasporti.
- Pasport tizimi Aholini hisobga olish va uning koʻchib yurishini tartibga solish qoidalari majmui. Nizomda pasport tizimi qoidalarini buzganlik uchun javobgarlik tartiblari ham belgilab berilgan. — Oʻzbekiston Respublikasi (ensiklopediya).