Qidiruv

sft. 1. Parda tutilgan, parda bilan toʻsilgan, ajratilgan.

[Hamdam forma] Hovlining orqasiga oʻtib, yovonga qarab ochiladigan oq pardali bir derazani tirnogʻining orqasi bilan bir-ikki chertdi. — S. Ayniy, Qullar

Olimjon sartarosh usta Gʻanining doka pardali derazasini chertdi. — N. Aminov, Qahqaha

2. Organik pardaga ega boʻlgan, parda bilan qoplangan.

Oʻrdakning pardali panjasi.

3. koʻchma Mustaqil pardalardan, qismlardan iborat boʻlgan.

Toʻrt pardali sahna asari. Kunlarning birida Xurshid oʻzining Eski odat qurboni nomli bir pardali pyesasini oʻqidi. — F. Joʻrayev, Obid Jalilov

4. koʻchma Ochiq-oydin ifodalanmay, shama, qochirim bilan aytilgan, yashiringan, niqoblangan, niqobli.

Pardali qilib gapirmoq.

Boshim shishgan. Sening bu pardali gaplaringdan hech narsa tushunolmayotirman. — S. Ayniy, Doxunda

[Husayn Boyqaro] Baʼzi yaqinlaridan pardali shikoyat qildi. — Oybek, Navoiy

ot 1. Xonani quyosh nuri, shamol va hokazolardan toʻsish yoki bezak uchun deraza, eshik va shu kabilarga tutiladigan gazlama, mato.

Eshik pardasi. Duxoba parda. Chiy parda. Chimildiq pardasi. Parda tutmoq. Pardani ochmoq.

Anvarmurod keng derazalarning shohi pardalarini koʻtardi. — Oybek, Nur qidirib

Xodimlarga xonalarni beruxsat tark etish, eshik va derazalarni ochish man etildi. Derazalarga qalin parda va qora qogʻozlar tutildi. — Yoshlik

Chimildiq pardasi tushirilib, ikkovi yolgʻiz qolgach. qiz uning pinjiga suriladi. — S. Nurov, Maysalarni ayoz urmaydi

2. koʻchma Borliqni koʻzdan berkitib, toʻsib turgan narsa, masalan qorongʻilik, tuman, bulut, koʻz yoshi.

Chimyon togʻining choʻqqilari parda orasida turgandek, xiragina tuman ichra koʻzga tashlanadi. — Mirmuhsin, Umid.

Ana, koʻkka tutashgan choʻqqilarni palaxsa-palaxsa bulutlar qoplab, butun olam kulrang pardaga oʻralganday boʻldi. — H. Nazir, Soʻnmas chaqmoqlar

— Uyatsiz! — U koʻz oʻngini toʻsgan yosh pardasidan hech nimani koʻrolmay, tusmollab, stol yoniga bordi. — Oʻ. Hoshimov, Qalbingga quloq sol

3. s. t. Ekran, kino ekrani.

4. anat. Organizmda ayrim aʼzolarni qoplab, oʻrab yoki bir-biridan ajratib turadigan yupqa toʻqima.

Oʻpka pardasi. Oʻrdakning panjasidagi suzish pardasi. Yurak pardalari. Quloq pardasi.

Yoshgina yigit barvaqt olamdan oʻtdi. Ichkilik tufayli uning oʻpka pardalarini zardob oʻrab, sil xastaligiga duchor etdi. — Gazetadan

5. Sahna asarining yoxud filmning mustaqil voqelikdan iborat tugal bir qismi.

Pyesaning uchinchi parda oltinchi koʻrinishi. Shohi soʻzana pyesasi toʻrt pardadan iborat.

Dramaning birinchi pardasi boshlandi. — S. Ahmad, Saylanma

6. Teatrda tomosha boshlangunga qadar sahnaga ilingan mato.

U sahna chekkasiga surib qoʻyilgan parda oldiga borganda, konsert qizib ketgan edi. — Oʻ. Hoshimov, Qalbingga quloq sol

Parda ochilgandan to tomosha tugaguncha zal kulgidan larzaga tushdi. — S. Ahmad, Yulduz

7. koʻchma Biror holatni yashirish vositasi, toʻsib turuvchi niqob.

Din ilm-fan yuziga parda tortmaydi. — Qanotli soʻzlar

Nusratbekning yuzlaridagi shuncha yillar niqob boʻlib kelgan ziyolinamo yumshoqlik pardasi yirtilib, jagʻ paylari, yonoqlari qizarib boʻrtdi. — S. Nurov, Maysalarni ayoz urmaydi

baʼzan kimgadir yaxshi koʻrinish ilinjida vijdonning koʻzini nafs pardasi bilan pana qiladi. — Yoshlik

Yana bir narsani aytib qoʻyay: er-xotin oʻrtasida parda boʻlishi shart. — Yoshlik

8. ayn. Tovush paychalari.

Men seni kuylamoq istayman. Ammo shunday kuylasamki, yirtilib ketsa ovoz pardalarim. — A. Oripov, Yillar armoni

9. Parda (erkaklar ismi).

1. perdesiz, perde tutılmaǵan, perdesi joq

2. awıs. anıq aytılǵan, nıqapsız, qopal

ot kam qoʻll. Pardalangan, pardali; yashirin, sirli.

Qandaydir oʻzga maqsadlari borligi haqida juda tumanli, pardavor qilib mingʻilladi. — Oybek, Navoiy

fl. 1. kam qoʻll. Parda bilan toʻsmoq, parda tutmoq.

Derazani pardalamoq.

2. koʻchma Ochiq-oydin ifodalamay, shama yoki qochirim bilan aytmoq, niqoblamoq.

Men koʻklamda Sumbula bilan boʻlgan voqeani, bir oz pardalab boʻlsa ham, soʻzladim. — Oydin, Ikki koʻzi shunda

fl. Pardalamoq feʼlining majhul nisbati.