«panni» boʻyicha 74 ta natija: Oʻzbekchadan
ot 1. tar. Rossiya imperiyasi gʻarbida va Polshada katta yer egasi, pomeshchik.
2. Sharqiy Yevropaning bir qator mamlakatlarida erkaklarga hurmat yuzasidan murojaat qilganda, janob, taqsir maʼnolarida ishlatiladigan soʻz.
sft. 1. Boshqalarning nazaridan yashiradigan yoki biror narsa taʼsiridan saqlaydigan, himoya qiladigan joy, narsa, toʻsiq.
Yomgʻirdan pana izlamoq. Panada turmoq. Tomning panasiga yashirinmoq.
Lali shu zulmat quchogʻiga kirgan-da, oʻzini bir daraxt panasiga olib, orqasiga qaradi. — H. Gʻulom, Mashʼal
Shirin, simchiroq yoritib turgan ostonadan ichkariga qadam qoʻyishi bilan, mushukday keladigan sariq it akillab, oyogʻiga yopishdi. U qoʻrqib, jirkanib, kampirning panasiga oʻtdi. — Yoshlik
2. sft. Birovning nazari tushmaydigan yoki biror narsa taʼsiridan panalangan, himoya qilingan, toʻsilgan.
Chiroq shishasini roʻmolim bilan pana qilib, hovliga tushdim. Yomgʻir hamon ezmalanib yogʻardi. — Oʻ. Hoshimov, Ikki eshik orasi
Kuyovlikdan yodgor boʻlgan beqasam choponi bilan yuzini qor
dan pana qilib, yoʻlakka bordi. Pastak eshikning halqasidan ushlab tortdi. — Oʻ. Hoshimov, Qalbingga quloq sol
ot Oʻgitli gap, soʻz, oʻgit, nasihat.
Pand bermoq (aylamoq).
Qol, deganda qonlar yutib qolmadim, Otam pandin qulogʻimga olmadim Besh yuz yillik yoʻldir sening makoning. — Folklor
Mana bugun yana bir pand berib, nasihat qilmoqchi boʻlib kelgan edim, tuzuk, ish oʻnglanib ketganga oʻxshaydi. — A. Muxtor, Opa-singillar
Miyangni ishlat, hiyla bilan dushmanga pand ber. — Uygʻun, Hayot qoʻshigʻi
1. Oʻzagi qurib, boʻsh boʻlib qolgan.
Pang sabzi. Pang sholgʻom.
2. koʻchma Noaniq, yoqimsiz, poʻngʻillagan.
[Amin] Negadir ustunni qimirlatib ham koʻrdi, soʻngra Qobil boboni chaqirdi va pang tovush bilan dedi. — A. Qahhor, Oʻgʻri
Ehsonning koʻzlari nochor javdiradi, soʻng pang ovozda bidillab ketdi. — Sh. Xolmirzayev, Bodom qishda gulladi
ot Xalqaro Qizil kitobga kiritilgan bambuk bilan oziqlanadigan ayiq turi.
ot 1. bnk. Bino, xona ichidagi devorning taxta-yogʻoch, plastmassa yoki moy boʻyoqni bezak qoplamasi.
Koʻk boʻyoqli panel. Yongʻoq daraxtidan ishlangan panel.
2. bnk. Zavodda tayyorlanib, qurilishda ishlatiladigan yirik oʻlchamli yassi temir-beton yoki yogʻoch plita.
Yirik panellardan qurilgan uy.
3. maxs. Elektr tarmoqlari, boshqarish pulti, radiotexnik asbob va boshqalarning signal beruvchi, nazorat qiluvchi, oʻlchovchi uskunalar oʻrnatiladigan old devori.
