ot 1. Musobaqa va sport oʻyinlarida yetib borish yoki toʻplanish oldindan belgilangan joy, nuqta, marra; finish.
U pakkaga birinchi boʻlib yetib keldi.
Poygada qattiq zoʻriqib chopgan ot pakkaga yetganda sulayib qolar emish. — E. Aʼzam, Kechikayotgan odam
Futbol ishqibozlari ham choyxonamizni pakka qilib olishgan. — Sharq yulduzi
2. Ishning oldindan belgilab qoʻyilgan chamasi; moʻljal, reja.
Ishni pakkaga yetkazmoq.
Har bir koʻsak, hosil bergan har chigit Bizning koʻzga ilinmasdan qolmaydi. Pakkasiga toʻldirmasdan tolmaydi Bizdagi har xotin-qiz ham er yigit. — Gʻ, Gʻulom
- Pakkasiga yetmoq Oxirlab qolmoq, poyoniga yetmoq. Umrim pakkasiga yetay deganda, xudoning qahriga uchradim, qizim. Gunohim nimaligini bilmayman — K. Yashin, Hamza