Qidiruv

ot 1. Yovvoyi hayvon, baliq, qush va shu kabilarni turli yoʻllar bilan tutish, ovlash yoki otish.

Baliq ovi. Bedana ovi. Mergan ovda bilinar, botir — yovda. — Maqol

Rahimov kuyovni tez-tez Toshkentga chorlab turardi. Kuyov ov ishqibozi edi. Mirvali koʻp qiyinchiliklar bilan bu togʻlarga oʻrgatgan kiyiklarni u qiyratardi. — S. Ahmad, Jimjitlik

2. Ov qilinadigan, ovlanadigan jonivor; ilvasin.

Ovga boy choʻl. Shu kunlarda Oloy togʻida ov kom.

3. koʻchma Qoʻlga tushirilishi moʻljallangan kimsa yoki narsa.

Yumaloq, qoragina odam qoʻlidagi toʻpponchani mahkam ushlagani holda gandiraklab, soʻkinib ovini qidira boshladi. — Oybek, Tanlangan asarlar

4. Ovchining oʻljasi.

Arslon ogʻzidan ov olinmas. — Maqol

Suvonjon, tuzoqqa ilingan ovni chiqarib yuborishdan qoʻrqqan ovchidek, qizni mahkam quchoqlaganicha, yongʻoq tomonga keta boshladi. — S. Anorboyev, Oqsoy

5. koʻchma Sodir boʻlishi kutilayotgan biror voqea-hodisa haqida.

Xalq qimirlab qoldi. Odamlar qulogʻi ovda. Turli-tuman mish-mish gaplar. Odamlar aniq bir tasavvurga ega boʻlmagani uchun har kim oʻz holicha fol ochardi. — Yoshlik

Oʻqitishning virtual muhiti

ot 1. Gapirish, qichqirish, kuylash, sayrash paytida oʻpkadan chiqayotgan havoning urilishi bilan tovush paychalarining tebranishidan hosil boʻladigan tovush; sado, sas.

Baland ovoz. Past ovoz. Mayin ovoz. Musichalarning kukulashgan ovozi eshitilar edi.

Anvar Muqaddamning ovozini eshitib, burilib qaradi-yu, uning vahimadan katta-katta ochilib turgan koʻzlarini qorongʻilikda aniq koʻrdi. — Oʻ. Hoshimov, Qalbingga quloq sol

Bu yerda ming turli qushlar ming turli ovoz bilan sayrab, anvoyi gylJShp ochilib, atrini sochib yotgan ekan. — S. Zunnunova, Olov

2. Tovushning kuylashdagi past-balandlik, jarangdorlik darajasi.

Ovozi yaxshi ashulachi. Ovozi oʻtkir.

Sharofning qon bosimi kuchayib, yurak urishi avjiga yetgan payt direktor hamdardona ovozda dedi: — Tushunaman, hammamiz ham yoshlikda oʻt-olov boʻlganmiz, koʻzimizga fil ham chumolicha koʻringan. — Yoshlik

3. Vokal musiqa asarida har bir kuychi uchun belgilangan partiya.

Ikki ovoz uchun yozilgan romans.

4. Narsalarning urilishi yoki harakatidan chiqadigan tovush.

Qarsak ovozi. Toʻqmoq ovozi. Shamol ovozi. Momaqaldiroq ovozi. Soat ovozi. Dutor ovozi.

Yigirma ol-tinchi koʻpi tongotarda gumburlab chalina-yotgan karnay ovozidan uygʻonib ketdim. — X. Toʻxtaboyev, Shirin qovunlar mamlakati

Uzoqdan har zamon toʻp ovozi eshitilar edi. — A. Qahhor, Oltin yulduz

5. koʻchma Fikr, mulohaza.

Sharq yozuvchilarining ovozi.

— Sizga oʻxshash dallollarga hojat yoʻq. Siz xalq boʻronini toʻsmoqchimisiz? Ovozini boʻgʻmoqchimisiz? — Oybek, Tanlangan asarlar

6. Ichki his-tuygʻular nidosi, amri.

Gʻulomjon yuragida portlagan gʻazab uvvosiga emas, insof ovoziga quloq soldi. — M. Ismoiliy, Fargʻona tong otguncha

Lekin qamoq ham shoirning irodasini bukolmadi, ovozini soʻndirolmadi. — Saodat

7. Davlat va jamoatchilik tashkilotlarida saylov oʻtkazish yoki biror masalani hal qilishda saylovchilar yoki majlis ishtirokchilaridan har birining alohida fikri, oʻz fikrini bayon etish huquqi va usuli.

Hal qiluvchi ovoz. Maslahat ovozi.

Rais har ikkala taklifni oʻrtaga tashlaganda, Xolmatjon sakkiz ovoz ortiq oldi. — S. Ahmad, Ufq

ot Koʻchmanchi chorvadorlar oʻrnashgan joy; qishloq.

Hasan qaygʻichini Xivaning katta-kichigi, olis ovullardan keluvchilar ham taniydi. — S. Siyoyev, Yorugʻlik

Kolxozda ishlar tugagach, ovulda odamlar uch oy dam olishadi. — Yoshlik

ot 1. Biror oila, xoʻjalik, tashkilot va shu kabilarga tegishli joyning imorat qurilmagan, odatda, atrofi oʻralgan qismi.

Qoʻshnining hovlisi. Maktab hovlisi. Hovliga suv sepmoq. Hovliga gul ekmoq.

Toʻyga kelganlarning bari shovqin-suron bilan oxiri hovlidagi stollarga bir-bir joylashib oʻtirishdi. — Oʻ. Usmonov, Sirli sohil

Chap sohilda esa, qadimiy chinor tagida choyxona, uning hovlisida billurdek tiniq chashmalar qaynab yotadi. — Gazetadan

Shu lahza karvon-saroy hovlisida oʻzining saman yoʻrgʻa baytalida Hoji tabib paydo boʻldi. — Mirmuhsin, Meʼmor

2. Biror oila, xonadon yashaydigan uy (shu uyga qarashli sahn va yer maydoni bilan birga); hovli-joy, uy-joy.

Hovli sotib olmoq. Hovlidan koʻchib ketmoq. Hovli toʻyi. Hovli olma, qoʻshni ol. — Maqol

Qishoq koʻchalari jimjit, faqat hovlilarda nimadandir bezovta boʻlib itlar hurishadi. — M. Ismoiliy, Fargʻona tong otguncha.

3. Xonadon, oila.

Mirzo Anvar uch-toʻrt kundan beri mening hovlimda qoʻnib yurar edi. — A. Qodiriy, Mehrobdan chayon

Ahmadjon urushga kirib ketdim, deganicha ikki oy xat qilmagani uchun hovlidagilar ne-ne xayollarga borishgan edi. — A. Qahhor, Oltin yulduz

ot Ov ishi bilan shugʻullanuvchi, ov qiluvchi kishi.

Miltiq koʻtargan bilan ovchi boʻlmas. — Maqol

Ovchi boʻlish uchun qizi-qishning oʻzi kifoya qilmaydi, nishonga toʻgʻri ura bilishi ham zarur. — Shukrullo, Saylanma