Qidiruv

ot 1. Bir ota-onadan tugʻilgan farzandlar ichida oʻzidan kichiklarga (ukalarga, singillarga) nisbatan katta qiz.

Opasi erga tekkanda, Adolat oʻn bir yashar qiz edi. — A. Qahhor, Qizlar

Nizomjon opasiga koʻrinmay, yongʻoq orqasidan aylanib oʻtib ketdi. — S. Ahmad, Ufq.

2. Oʻzidan katta, baʼzan kichik ayollarga hurmat yuzasidan ularning ismiga qoʻshib ishlatiladi, masalan,

Mastura opa, Malika ona.

Rais opa ham shu yerda boʻlsalar kerak. — S. Ahmad, Ufq

Yoʻq, Moʻttixon opa, bu ishni kechiktirmang, jon Moʻttixon opa. — S. Zunnunova, Olov

3. Oʻzidan katta, baʼzan kichik ayollarga hurmat bilan murojaat qilish shakli.

Suhbatda Mastonning salmogʻi tobora ortmoq-da edi. Ilgari singlim deb turgan yigitlar sal oʻtmay opa deydigan boʻlishdi. — A. Qahhor, Maston

Hormang, opa, charchamadingizmi? Ishlar qalay? — T. Ashurov, Oq ot

— Opa, nima ish bilan shugʻullanasiz? — dedi ofitsiantka. — Gazetadan

sft. Opasi bor (uka yoki singil haqida).

ot Opaga erkalab qilingan murojaat.

Oʻzingizni asrang, opajon.

ot Opa boʻlish, opa kabi ish tutish.

ot 1. Bir ota-onaning yoshi katta qizi bilan yoshi kichik oʻgʻli (bir-biriga nisbatan).

Seni deb ota-bola, opa-uka bir-biriga teskari boʻlishdi. — S. Ahmad, Ufq

2. s. t. Opa-singil.

Mening xotinim onang bilan opa-uka boʻladi. — P. Tursun, Oʻqituvchi

ot Bir ota-onaning turli yoshdagi qizlari (bir-biriga nisbatan).

Ular opa-singil.

Mastura Nasimjonning yosh xotini bilan opa-singil tutinib, u boyoqishni shunday avraydi — Oybek, Oltin vodiydan shabadalar