Qidiruv

sft. 1. Oʻyib ishlangan, yasalgan.

Oʻrtada, oʻyma oʻchoqda katta hoʻl toʻnka uyni tutunga toʻldirib, burqsib yotadi. — P. Tursun, Oʻqituvchi

2. Oʻyib, qirib, zarb qilib bezak ishlash usuli va shu usulda ishlangan bezak, naqsh.

Gavhar oyna ustiga solingan katta bir oʻyma naqsh oldida Mahkamni toʻxtatdi. — P. Qodirov, Uch ildiz

Qogʻozni usti oʻyma gulli charm juzdonga tiqib, qalin kitobni varaqlashga boshladi. — Oybek, Navoiy

fl. 1. Biror narsa bilan kovlab, chuqur hosil qilmoq; kovlamoq.

Yerni oʻymoq. Devorni oʻymoq.

Tirnoq-la yer oʻyib, suvlar oqizgan Gʻariblar ahvoli qolardi tangga. — Gʻayratiy

Avaz uchi tirsakka oʻxshash silliq tosh topib, boʻzni oʻyib, ikki qator chuqurchalar yasadi. — P. Qodirov, Qora koʻzlar

2. Chuqurcha hosil qiladigan qismini ajratib olmoq.

Men ham lip etib hujraga kirib, xumchadan yogʻ oʻyib oldim. — Gʻ. Gʻulom, Shum bola

Mana shu yolgʻiz qoʻlim bilan malʼun Japaqning koʻzini oʻyaman. — A. Muxtor, Qoraqalpoq qissasi

3. Naqsh, gul, tasvir va shu kabilar ishlash uchun biror sirtga iz, oʻyiq tushirmoq.

Supachada bir parcha ganchga Naqqosh oʻyar soʻnggi nasini. — E. Rahim

Islomxoʻja ustalar bilan salomlashib, marmar toshga Ogahiy sheʼrlarini oʻyayotgan Xudoybergan muhrkan oldiga bordi. — J. Sharipov, Xorazm

[Solijon] Takrorlaydi darslarin, Koʻzdan tugal oʻtkazar, Toshga oʻygan xat kabi Puxtalab dilga yozar. — Q. Muhammadiy

4. Yemirib, yuvib, chuqur hosil qilmoq.

Oyqiz butun kuchini yigʻib, Pogodinni suv oʻygan chuqurlik qirgʻogʻiga sudrab keldi — Sh. Rashidov, Boʻrondan kuchli

5. koʻchma Qattiq chimchilamoq.

Rohila [qizning] biqinini oʻyib oldi. — A. Qahhor, Ogʻriq tishlar

6. koʻchma Qattiq ruhiy azob bermoq.

Yurak-bagʻrimni oʻyding, Meni nomusga qoʻyding. — H. Olimjon

7. Oʻyib olmoq Qattiq taʼsirli, taʼzirli gap qilmoq.

Alim buva mingboshini oʻyib oldi. — M. Ismoiliy, Fargʻona tong otguncha

biror narsani bahona qilib, gap bilan oʻyib-oʻyib oladi. — O. Husanov, Nay

ot 1. astr (O — katta). Quyoshdan nur olib, yogʻdu sochuvchi samoviy jism, Yerning tabiiy yoʻldoshi.

Oʻn toʻrt kunlik oy. Toʻlin oy. Oy nuri. Oy chiqdi. Oy botdi. Oyning yuzidagi dogʻlar. Oyning Yer atrofida aylanishi.

Oyni etak bilan yopib boʻlmaydi. — Maqol

Kechki gullar ochilib turibdi. Koʻkda tanho oy kezmoqda. — I. Rahim, Chin muhabbat

2. Astronomik yilning oʻn ikkidan biriga — Oyning Quyosh atrofidan bir marta aylanib chiqish muddatiga yaqin vaqt oraligʻi; oʻlchov birligi: 28, 29 30 yoki 31 kunlik davr.

Oy boshi. May oyi. Bir yil — oʻn ikki oy. Bu orada uch oy oʻtdi. Yoz oylari ham oʻtib ketdi. Oyning oʻn beshi qorongʻi boʻlsa, oʻn beshi yorugʻ. — Maqol

Oʻgʻlim bechora oy oʻtmasdan boʻzchining mokisidek qatnab tursa. — A. Qodiriy,Oʻtgan kunlar

3. Uch-toʻrt kunlik oy shaklidagi bezak yoki belgi.

Mezana ustidagi oy.

4. Ayollar ismi tarkibiga kiradi yoki ayollar nomiga qoʻshilib, erkalash, hurmatni bildiradi.

Oyposhsha, Oyqiz, Oytoʻti, Oynisa; Tursunoy. Shirmonoy, Qunduzoy.

Har oyda muntazam.

Nusratbek maoshidan oʻz xarjiga kerakligini ajratib, qolganini xotiniga oyma-oy yuborib turdi. — S. Nurov, Maysalarni ayoz urmaydi

ot 1. Taxta, ganch, marmar va shu kabilarga oʻyib, gul, naqsh ishlovchi usta.

Bu [eshik ]qalin, baquvvat taxtalardan yasalgan boʻlib, mohir oʻymakorlar bezagan, usta boʻyoqchilar naqsh bergandi. — S. Yunusov, Kutilmagan xazina

2. Oʻyib, zarb qilib ishlangan; oʻyma.

Oltin qubbachalar, oʻymakor gullar bilan bezangan eshikni ochib, kichikroq, lekin serhasham bir xonaga kirdi. — Oybek, Navoiy

Uning [Abdulla Boltayevning] qoʻli bilan qilingan oʻymakor naqshlar eskizi 1937 yili Parijda ochilgan sanʼat vistavkasida ham yuksak baho oldi. — S. Qodirov, Qirq kitobning toʻrt sahifasi

Tabaqalari keng, ochiq turgan oʻymakor shamshod darvoza Hasan ovchini qaʼriga tortib, yutib yubormoqchiday. — Sh. Toshmatov, Erk qushi

sft. Oʻymakor naqsh solingan.