Қидирув

от тар . Ердан фойдаланганлик учун олинадиган солиқ; ер солиғи.

Бир кун хоннинг ўлпон йиғувчилари қишлоққа чиққанларида, Ботирали уларни қаттиқ ҳақорат қилибди. — Ф. Расул, Тўнғич ўғил

Жайноқ: Хўжайининг подшоликка ўлпон тўлаганда, биз тўламабмизми? — Н. Сафаров, Уйғониш

Сенларга неча қур айтдим-а: қарзларингни тўлаб қўй, ўлпонни бер, деб. Қулоқ солдингларми? — М. Исмоилий, Фарғона тонг отгунча

от тар. Ўлпон йиғувчи.

Кузга бориб ошлик ҳам, пахта ҳам ёлчитмади. Бир ёқдан ўлпончилар зуғум қилади. — С. Сиёев, Аваз

от 1. катта (Ч —) астр. Ёруғ тонг юлдузи; Зуҳра, Венера.

Осмон элининг турфа-туман юлдузи кўпдир, Хўбдир бариси, равшани — Чўлпон, ёзажакман. — А. Орипов

2. кўчма Гўзал, чиройли, шаҳло (кўз ҳақида).

Ўйнатиб қош, дилни ўртаб, кўзи чўлпоним келур. — Уйғун

Шу чўлпон кўзларнинг буюк ҳурмати, Шу ақиқ лабларнинг рост сўзи дея, Сўйланг-чи, вафонинг надир қиммати, Сиз ҳам кутганмисиз бирор сония?! — А. Орипов

3. Чўлпон (хотин-қизлар исми).