Поиск

sft. 1. Kam topiladigan, noyob.

Nodir qoʻlyozma.

— Nodir oʻlka, hatto taʼriflashga soʻz topolmaysan, — dedi Komarova. — Oybek, Oltin vodiydan shabadalar

2. Qimmatbaho, bebaho, asl.

— Xazina! — dedi Zargarov kaftlarida salqin nodir toshlarning salmogʻini sezib. Koʻzlarida ham kristallarning tovlanishi bordek edi. A. Muxtor. — Boʻronlarda bordek halovat

Zumrad barmogʻini siladi; nodir uzuk barmogʻini, yoʻq, yuragini siqayotgandek boʻldi. — S. Siyoyev, Otliq ayol.

3. Kam uchraydigan.

4. Nodir (erkaklar ismi).

sft. 1. Ilm-maʼrifatdan xabari yoʻq, ongi, tushunchasi past; oʻqimagan, bilimsiz; qoloq.

Nodon odam. Soʻzlaguvchi nodon boʻlsa, eshitguvchi dono boʻlsin. — Maqol

Nahotki mana shu yerda oʻtirgan studentlar Yunusov oʻylaganchalik nodon boʻlsa?! — Oʻ. Hoshimov, Qalbingga quloq sol.

2. Fahm-farosati kam; tushunmaydigan, tentak.

Ajab boʻldi! Oyogʻining tagiga oʻligingni tashlagin endi, oʻz qadrini bilmagan nodon. — Oʻ. Hoshimov, Qalbingga quloq sol

sft. Keragi, darkori yoʻq; keraksiz.

Nodarkor qogʻozlar.

sft. Davlat tasarrufida boʻlmagan.

Nodavlat sektor. Nodavlat tashkilot.

Respublikamizda minglab nodavlat, notijorat tashkilotlari faoliyat koʻrsatmoqda. — Gazetadan

ot Noyoblik, kam uchraydigan, qimmatbaho.

ot 1. Bilimsizlik, ongi pastlik; johillik.

Munozara deb har qanaqa kurakda turmas gaplarni aytaverish gʻirt nodonlik alomati. — M. Mahmudov, Mangu kuy izlab

2. Nodon kishilarga xos xatti-harakat, ish; ahmoqlik.

Ona, kechirasiz-da, yanglishib bir nodonlik qilib qoʻydim. — S. Ahmad, Qadrdon dalalar