Қидирув

от с.т. Наҳс.

от 1. Бир авлод-аждодга мансуб кишилар уруғи, уларнинг келиб чиқиши, зоти, насаби, таги-тахти.

Наслини суриштирмоқ. Наслдан наслга ўтмоқ. Қазисан-қартасан, асли наслингга тортасан. — Мақол

Ал-Беруний, Ал-Хоразмий Ал-Фороб авлодидан, Асли насли балки ўзлуқ, Балки тархон, ўзбегим. — Э. Воҳидов, Муҳаббат.

2. Келажак авлод, зурриёт.

Нимани мерос қилиб қолдирайин наслимга. — С. Акбарий, Меҳригиё

Баҳодир насли ҳам бўлгай баҳодир. На мушкул бўлса, ҳал қилмоққа қодир. — Ҳабибий

3. биол. Маълум белги-хусусиятларга эга, бир турга мансуб ўсимликлар, бир зотга мансуб ҳайвонлар гуруҳи; уруғ, зот.

Ҳайвонларни дурагайлаб, янги насл олиш.

Биз от наслини тузатишда ҳам ҳали бир иш қилмадик. — А. Қодирий, Обид кетмон

от ад. Прозаик асар; вазн ва қофияга эга бўлмаган ёзма нутқ маҳсули; зид. назм.

Назмга сиғдиролмаганини насрда берибди. Қаерни кўрсатган бўлсам, барини ёзибди. — С. Анорбоев, Оқсой

от Келиб чиқиш, насл-насаб; бир ота-бободан тарқалган авлод.

— Бу насаби пастга итоатни қачон ўқитасиз? — ўшқирди у. — Ш. Тошматов, Эрк қуши

Иброҳим ота ҳикояни бошлашга мажбур бўлди: — Асл насабимиз — эронлик ўзбек — Ж. Шарипов, Хоразм

от поет. Эстетик лаззат, ҳузур, гашт.

Ҳар ишнинг ўзига яраша нашъаси бор.

Далаларнинг нашасин уй ичинг билан сурдинг, Ўз бойлигинг ўзингда, ишрат, сафолар қурдинг. — Ғайратий

от 1. Босма асар чоп қилиш, чиқариш.

Китобни нашрга бермоқ. Нашрга тайёрламоқ. Нашр этмоқ (қилмоқ).

2. Босма асар.

Фанлар академияси нашри.

Демократия шароитида турфа хил нашрларнинг пайдо бўлишини, шубҳасиз, ҳаммамиз табиий ҳол деб биламиз. — Газетадан

3. Босма асарнинг ҳар бир чиқарилиши ёки тури.

Китобнинг тузатилган ва тўлдирилган нашри. Илмий нашр.

Оммавий информацияларнинг калити бўлган телеграф агентликларининг қон томирлари матбуот нашрларининг ҳамма тармоқларига бориб туташади. — Х. Ёдгоров, Ҳаёт тўлқинлари