Қидирув

от Бирон-бир шахсга ёки шахсларга, амалий фаолиятга нисбатан қаттиқ ғазаб ва жирканиш туйғуси, ғазаб аралаш жирканиш.

Нафрат қилмоқ.

Полвонларнинг бирига муҳаббат, иккинчисига нафрат билан қараб турган халқ кўзида, унинг ҳаяжонли юзида икки дунё кураши акс этгандек эди. — М. Исмоилий, Фарғона тонг отгунча

Унсин Мирзакаримбой уйидан нафрат қилгани учун, бир маҳаллада бўлишига қарамай сийрак қатнар эди. — Ойбек, Танланган асарлар

сфт. Нафрат билан тўлиб-тошган; жирканч.

Нафратли хатти-ҳаракат.

Маҳкамга қисқа ва нафратли назар ташлади-да, шошилмай энгашди. — П. Қодиров, Уч илдиз

фл. Бирон-бир шахсдан, унинг қилган ишларидан ғазаб аралаш жирканмоқ, нафрат қилмоқ.

Шербек йигитнинг юзсизлигидан нафратланди. — С. Анорбоев, Оқсой

У ерда, одамлар орасида Ҳаётнинг отаси Мадаминхўжа ҳам бу бедодликдан нафратланиб, Ғуломжонга жавдираб қараб турар эди. — М. Исмоилий, Фарғона т. о.

фл. Нафратланмоқ феълининг орттирма нисбати.