фл. 1. Бирор нарсанинг устига (одатда от-уловга) оёқларни икки ёққа солинтириб ўтириб олмоқ.
Туяга минмоқ. Мотоциклга минмоқ. От кимники — минганники. — Мақол
Ёрмат араванинг ҳар қисмига разм солиб, кейин чаққонлик билан отга минди. — Ойбек, Танланган асарлар
Бўтабой азим туп ёнғоққа тирмашиб, боғ деворига минди. — С. Аҳмад, Ҳукм
2. шв. Транспорт воситаларига чиқмоқ, ўтирмоқ.
Аравага минмоқ. Трамвайга минмоқ. Машинага минмоқ.
У ердан одатда кемага минилар, Чоржўйда ўтаравага ўтириш керак эди. — С. Сиёев, Аваз
Бобоқул ота Қайнардан қайтишда Тўламат мўйловнинг пичан ортилган автокачкасига минишга мажбур бўлди. С. — Анорбоев, Оқсой
3. шв. Транспорт воситаларининг бирор турини бошқармоқ, ҳайдамоқ.
Машина минмоқ. Арава минмоқ.
Жон фиғон бундан беш-олти йил бурун қайси бир идоранинг извошини минар экан, киракашлик қилиб, қўлга тушгандан кейин ҳайдашибди. — А. Қаҳҳор, Жон-фиғон
Арслон чиройли костюмларини гардеробга илиб, комбинезон кийиб, универсал минди. — Мирмуҳсин, Яширинган куч
4. кўма. Ўтирмоқ, инмоқ.
Булбул кетиб, боғда навоси тинди, Юлдуз елкасига гўё тоғ минди. — Б. Бойқобилов, Садоқат
5. Амал, мансаб мазмунли сўзлар билан қўлланиб, шу сўз билдирган вазифа, лавозим. мансабни эгалламоқ маъносини билдиради.
Нодон Анвар ўрдадан қувланиш ери-да сармуншийлик маснадига минмоқчи! — А. Қодирий, Меҳробдан чаён
Амалга янги минган ҳовлиқма одамдек бурнини кўтарган. — Ойбек, Танланган асарлар
Аъзам Мираҳмедов бош врачлик лавозимига минди-ю, хўмрайиб кириб, чимирилиб чиқадиган бўлди-қолди. — Муштум
6. Авж, ғазаб каби айрим сўзлар билан қўлланиб, шу сўзлар билдирган ҳолатнинг юз бериши маъносини билдиради.
Беўхшов чўлнинг дайди шамоли авжга минган. — Ф. Нуруллаев, Бўз йигит
— Тўхтат деяпман сенга! — лаблари пирпираб, жаҳлга миниб бақирди раис. — Муштум
Совуқ чунон қаҳрига минганки тишимиз тишимизга тегмай қалтираймиз. — О. Ҳусанов, Қўшиқчининг тақдири
- Елкасига (ёки бўйнига) минмоқ Ихтиёрини (тизгинини) ўз қўлига олиб, истаган ҳукмини ўтказмоқ, ўз ёʻлига юритадиган бўлмоқ. Салимбойваччанинг елкасига миниш учун Гулнор қурбон бўлиши керак. — Ойбек, Танланган асарларКелиним ўлгурнинг бурнини бир ерга ишқаб бермасангиз, болагинамнинг бўйнига миниб олди. — С. Аҳмад, Сайланма
- Ерни миниб олмоқ Ерни ўз ҳукмига бўйсундирмоқ; ундан хоҳлаганча фойдаланмоқ. Тангриқул ҳожи катта ҳамёнини —узанги, чоракор батракларни —жилов қилиб, ерни маълум даражада миниб олган эди. Ғулом ака ерни минолмас эди. А. Қаҳҳор, Қўшчинор чироқлари.