Поиск

ot 1. fiz. Mexanikaning eng muhim fizikaviy xossalaridan biri; materiya (jism)ning inertlik va gravitatsion xossalarini ifodalaydigan fizik kattalik.

Massa bilan bir qatorda energiya ham fizika fanining asosiy tushunchalaridandir. — Fan va turmush

2. maxs. Yaxlit yoki boʻtqasimon jism yoki modda.

Amudaryo suvi loyqa. U kanaldan oqa boshlagach, unga loyqa oʻtirib, berch massaga aylanadi. — Gazetadan

Muz massasining qalinligi aniqroq oʻlchandi. — Gazetadan

ot Tana yoki biror aʼzoga davo yoki gigiyenik maqsadda maxsus usulda mexanik taʼsir etish (silash, uqalash, iylash, qoqib qoʻyish kabi usullar bilan amalga oshiriladi).

Toʻrt guruhning har qaysisida alohida vrachlar, massaj kabinetlari mavjud. — Gazetadan

Shuningdek, massaj muolajasi, shapatilash baʼzilarga ogʻriqli tuyulsa, boshqalarga malhamdek tuyuladi. — Fan va turmush

sft. Maʼlum vaznga ega; vaznli.

ot Massaj qiluvchi xodim.

Ajoyib massajchimiz bor. Qoʻl-oyogʻingizni uqalab ham qoʻyadi, qushdek yengil boʻlib chiqasiz. — X. Toʻxtaboyev, Shirin qovunlar mamlakati

fl. Massajlamoq feʼlining orttirma nisbati.

Modda tarkibiga kiruvchi atom, molekula yoki ion massalari qiymatining majmui.