Qidiruv

ot 1. bot. Loladoshlar oilasiga mansub, yirik, chiroyli gulli koʻp yillik oʻsimlik; manzarali ekma gul va uning qizil, sariq yoki targʻil guli.

Lola sayli.

Togʻda ochilib lola, yer sabza bahor oʻlsa. — Furqat

Gullar orasida lolalar qaddi-qomatini koʻz-koʻz qilib tebranadi. — Oʻzbekiston qoʻriqlari

Lola terdik dasta-dasta, kech bilan qaytdik shahar-Yoʻlda bir-bir tarqatib Erkin muhabbat xayliga. — E. Vohidov, Muhabbat

2. koʻchma poet. Lola rangli, qizil, qirmizi.

Ochilmoq istarkan lola dudoqlar, Javdirab koʻzlaring nechun oʻynoqlar. — Uygʻun

Lola yangligʻ orazingni men koʻrib tasvirda, Mubtalo boʻlmoqligʻim yozmish ekan taqdirda. — Hamza

3. Lola (xotin-qizlar ismi).

ot ayn. Lola 1.

ot poet. ayn. Lolarang.

Sheʼr-u soz zavqidan chehram lolagun. — H. Gʻulom

ot Lolasi koʻp, lola ochilib yotgan joy.

Ey tan, bas ayla gʻamni, qish oʻtsa, bahor oʻlur, Sahro yuzi binafsha bilan lolazor oʻlur. — Oraziy.

Ufqdagi shafaq mana shu lolazorning osmon koʻzgusidagi aksimi yo yer koʻzgusidagi bu qirmizi rang botayotgan quyosh shafagʻining aksimi? — K. Yashin, Hamza

sft. Lola rangidagi, qizil, qirmizi.

Xoʻjabekov piyolaga lolarang vino quyib, juvonga tutdi. — S. Anorboyev, Oqsoy

[Bektemir] Sof, lolarang yolqinga termilib uzoq oʻyladi. — Oybek, Quyosh qoraymas.

ot Koʻknordoshlar oilasiga mansub, bahorda ochiladigan, lolasimon gulli bir yillik yovvoyi oʻt va uning guli.

Mol boqib yurgan bolalar onda-sonda koʻringan lolaqizgʻaldoq va chuchmomalarni oʻzlariniki qilishga talashib yurardilar. — A. Qodiriy, Obid ketmon