Qidiruv

ot Koʻp qavatli binolarda va shaxtalarda odamlar yoki yuklarni yuqoriga olib chiqadigan va pastga olib tushadigan mashina.

Quddus aka samolyotda uchmas, liftga tushmas, metroda yurmasdi. — Gazetadan

Lift ularni oʻn uchinchi qavatga koʻz ochib yumguncha olib chiqib qoʻydi. — L. Tojiyeva, Mehrim sizga, odamlar

ot Liftning normal ishlashini taʼminlab turuvchi, uni yurgizib turuvchi ishchi.

Liftchilar oʻz vaqtida ish bilan taʼminlandi. — H. Hakimov, Bosh injener

ot Lift sozlovchi.

sft. 1. Kiyimiga va oʻziga zeb beruvchi; satang, bashang.

Olifta yigit.

Sochini ikkita qilib oʻrib olgan, ikki chekkasiga gajak qoʻygan bu olifta juvon tugunini soʻriga tashlab, bir uh tortib olgach, Salimga qarab baqrayib qoldi. — I. Rahim, Chin muhabbat

2. Shunday kishilar uchun mos, satanglarga xos.

Olifta kiyim. Olifta kiyinmoq.

[Salimboyvachcha] Olifta tikilgan qora movut chakmonga oʻralib, bir qoʻlida zontik ushlab, hech qayoqqa nazar tashlamay, gerdayib keladi. — Oybek, Tanlangan asarlar

ot ayn. Oliftagarchilik. Birov jigʻimga tegsa ayamayman.

Sizga birov oliftagarchilik qilsa, menga roʻpara qiling. — Yoshlik

Salimboyvachcha Choʻntagidan arzon papirosni chiqarib, boyvachchaga tutdi va oʻzi ham oliftalik bilan labiga qistirdi. — Oybek, Tanlangan asarlar