Qidiruv

ot 1. Uchi toʻmtoq, oʻtmas (igna haqida).

Kurt igna.

2. koʻchma Oʻtmas, shart kesadigan emas.

Har bir ishimiz toʻmtoq va kurt boʻlgani kabi, matbuotimiz va uning bilan aloqa qiluvchilar ham kurt, ham yalpogʻiga kurt desak, mubolagʻa qilmasdan, begʻaraz haqiqatni aytgan boʻlamiz. — A. Qodiriy, Kichik asarlar

ot 1. Oʻsimlikning tana va novdalarida boʻrtib paydo boʻladigan, rivojlanib, barg, gul, shox kabi qismlarga aylanadigan aʼzosi, boshlangʻich aʼzosi.

Barg kurtagi. Gul kurtagi. Poya kurtagi. Novda kurtagi

Erta bahor, daraxtlar endi kurtak chiqara boshlagan payt. — J. Sharipov, Xorazm

Shudringda yuvingan akatsiya shoxlari koʻk-qizgʻish tusga kirib, kurtak tugishga tayyorlana boshlagan, gul ekish uchun yumshatilgan tekis tuproq uzoqdan baxmalga oʻxshab koʻrinadi. — P. Qodirov, Uch ildiz

2. koʻchma Biror narsaning oʻsib, rivojlanadigan dastlabki namunasi, rivojlanishidan darak beruvchi nishonasi.

Yangilik kurtaklari. Kelajakning kurtaklari.

Rustamdan koʻzini uzmas, chehrasi borgan sari ochilib, sevgi kurtaklari gʻunchaga, gʻuncha esa gulga aylanib borayotgandek tuyulardi. — V. Gʻofurov, Vafodor

ot Oldi boshdan oyoq tugmalab qoʻyiladigan kalta ustki kiyim.

U[Botir] kamarini mahkam tortdi-da, ustidan kiygan och koʻk kurtkasining tugmalarini solib oldi. — I. Rahim, Ixlos

taql. s. Ot yoki mol oʻt chaynaganda chiqadigan tovushni bildiradi.

Jonivor yerdagi oʻtni kurt-kurt chaynay boshladi. — H. Gʻulom, Mashʼal

n budding, germination

fl. Kurtak paydo qilmoq, kurtak chiqarmoq (toʻgʻri va koʻchma maʼnoda).

Daraxtlar kurtakladi.

Hurmatli direktorda mana shu kayfiyat kurtaklab qolgan. — Mushtum