Поиск

ot Maxsus usulda buzilmaydigan qilib ishlab, uzoq vaqt saqlash uchun germetik yopiladigan (havo oʻtkazmaydigan) bankalarga solib qoʻyilgan oziq-ovqat mahsuloti.

Baliq konservasi. Goʻsht konservasi. Konserva bankasi. Konserva zavodi,

Jangchilarga qattiq non va konserva ulashdilar. — Oybek, Quyosh qoraymas

Pichoqchaning uchini konserva bankasiga qadab, bezakdor sopi ustidan kafti bilan ura boshladi. — N. Aminov, Suvarak

ot Konserva tayyorlovchi, konserva sanoatining ishchi-xodimi.

Konservachilar har kuni rejaga qoʻshimcha minglab shartli banka har xil konserva tayyorlamoqdalar. — Gazetadan

sft. Taraqqiyotga qarshi (dushman), eskilikni himoya qiluvchi.

Konservativ partiyalar.

Ilgʻorlar tajribasini ommalashtirishdagi sustkashligimiz konservativ qarashlarning tomir olishiga sabab boʻlayotgan omillar, desak yanglishmagan boʻlamiz. — N. Safarov, Olovli izlar

ot 1. Konservatizm tarafdori, eski, qolib ketgan tartiblarni saqlashga intiluvchi shaxs; mutaassib.

Paxtani mashinada terishdan koʻra qoʻlda terishni maʼqul koʻradigan konservatorlar yaqinlarda ham topilib turardi. — N. Safarov, Olovli izlar

2. Konservativ siyosiy partiyaga aʼzo boʻlgan shaxs.

ot Taraqqiyotga, yangilik, ilgʻor gʻoyalarga dushmanlik; eskilikni saqlab qolishga, tiklashga intilish; konservatorlik, mutaassiblik.

Oqibatda jamiyatimizga nisbatan dogmatik qarashlar zarbaga uchramoqda, konservatizm barham topmoqda. — Mushtum

fl. Oziq-ovqat mahsulotlarini buzilishdan asrash va uzoq muddat saqlash maqsadida maxsus ishlov berish bilan havo oʻtkazmaydigan idishlarga solmoq.

Goʻshtni konservalamoq. Baliqni konservalamoq. Baqlajonni konservalamoq.

Oshkoʻklar va ularning ildizlari salatlarda, bundan tashqari, sabzavotlarni tuzlash, marinovka qilish va konservalashda juda ham bebahodir. — Gazetadan