Қидирув

фл. 1. Кўпаймоқ феълининг орттирма нисбати.

Мевали дарахтларни янада кўпайтирамиз.

Мудир гапни кўпайтириб, харидорнинг қонини қайнатмаслик учун, оқсоқланиб, ичкари кириб кетди. — И. Раҳим, Ихлос

2. мат. Бирор сонни бошқа бир сон ифодалаган миқдор ҳиссасида орттирмоқ, зарб қилмоқ.

Учни иккига кўпайтирмоқ. Домла машғулотни давом эттирди. У икки аъзоли сонларни кўпайтиришни ўргатар эди. — П. Турсун, Ўқитувчи

фл. 1. Сон, миқдор жиҳатдан ортмоқ; ошмоқ.

Даромад кўпайди. Чорва молларининг сони кўпайди.

Атрофида тобора одам кўпайиб борар, биров унга узоқдан таъзим қилар нотаниш кишилар секин калла силкиб қўярди. — С. Сиёев, Ёруғлик.

Уруш, жанжал кўпаймасин деб, дардимни ичимга ютаман. — Ойбек, Танланган асарлар

2. биол. Ўзидан кўп насл қолдирмоқ; урчимоқ.

биол. Ўзидан кўп насл қолдириш; урчиш

Жинсий кўпайиш. Жинссиз кўпайиш. Куртакланиш ёʻли билан кўпайиш. Бўлиниш ёʻли билан кўпайиш. Кўпайиш аъзолари

от мат. Кўпайтириш амалида: икки сонни кўпайтиришдан чиққан натижа.

фл. айн. Кўпайтирмоқ 1, 2.

от мат. Кўпайтириш амалида: бошқа сонга кўпайтириладиган сон.