Қидирув

сфт. кам қўлл. Кўриниши ёқимли; чиройли, хушрўй (асосан одамга нисбатан қўлланади).

-Бизнинг Марғилонда бир қиз бор, — деди [Раҳмат], — шундоқ кўҳликки, бу ўртада унинг ўхшаши бўлмас, деб ўйлайман! — А. Қодирий, Ўтган кунлар

Дилбар звено қизлари орасида ҳам энг кўҳлиги эди. — С. Аҳмад, Уфқ

Эшик очилиб, бир ёшлар чамасидаги ширингина болани кўтариб олган кўҳликкина жувон кириб келди. — Т. Малик, Иблис девори

от эск. айн. Тоғ 1. Кўҳи Қоф Афсонавий тоғлар; афсонага кўра, ер атрофини ўраб олган буюк тоғлар.

от Бирор воқеа-ҳодисани олдиндан билиб хабар берувчи; ромчи; фолбин.

Ғойибдан хабар берувчилар икки турли бўладилар: биринчиси — вали, иккинчиси — коҳин. — С. Айний, Эсдаликлар

Коҳинлар дам уриб қисмат фолидан, Кун хомуш этдилар Акрисий шоҳни. — А. Исроилов

сфт. айн. Кўҳлик.

сфт. 1. Узоқ ўтмишдан давом этиб келаётган; қадимий.

Кўҳна қардошлик муносабатлари.

Менинг кўз ўнгимда жонланар тарих, Ғамлардан тўқилган шу кўҳна олам. — А. Орипов, Руҳим

2. Эскириб путурдан кетган; эски.

Арава ҳам кўҳна: ямоқ-ясқоқ ғилдирак темиридан унда-бунда парча-пурча қолган; кегайлари шалоқ. — Ойбек, Танланган асарлар

Дераза олдида кўҳна стол. Бериги дераза ёнида диван. — М. Муҳамедов, Кичик гарнизон

от айн. Кончи.