Поиск

fl. 1. Yashash joyidan ketmoq, boshqa yashash joyiga oʻtmoq.

Olovni kovlasang — oʻchar, qoʻshnini kovlasang — koʻchar. — Maqol

U [Nuri] Yormat oilasining boqqa koʻchib ketganini eshitib, afsus qildi. — Oybek, Tanlangan asarlar

Bu yerdan hech qachon koʻchmayman, sen ham koʻchmaysan. — Sh. Rashidov, Boʻrondan kuchli

2. Umuman, oʻrni, manzili va shu kabilardan boshqasiga oʻtmoq, jilmoq, ketmoq.

Bu yil qizim beshinchi sinfga koʻchadi.

Ana, qoqdi qanotin bulbul, Kelib qoʻndi chiroyli gulga. Shoxdan-shoxga koʻchadi nuqul, Kuyi rohat berar koʻngilga. — I. Muslim.

Kuz kirib, ularning uchrashuvlari ishxonaga koʻchgan dastlabki kunlar — Yoshlik

3. koʻchma Mavzuni, harakatni, yashash yoki ishlash tarzini oʻzgartirmoq, boshqasiga oʻtmoq.

Xadicha xolaning bas, qiynama degan mazmunda koʻz qisishini koʻrib, boshqa gapga koʻchdi. — A. Qahhor, Qoʻshchinor chiroqlari

4. Yopishgan, birikkan joyidan ajramoq.

Uning [masjidning] baland va siri koʻchib ketgan eski ustunlik ayvonida uch-toʻrt namozxon oʻtirishibdi. — P. Tursun, Oʻqituvchi

Ovoz lampochkasining ostidagi qoʻrgʻoshinlar koʻchib ketibdi, yangidan yoʻpishtirdi. — T. Ashurov, Oq ot

1. Koʻchish paytida tashiladigan uy-roʻzgʻor buyumlaridan iborat yuk

Bir mashina koʻch

Amatjon bir aravaga kelin-ku-yovning koʻchini ortib, darhol yoʻlga chiqdi — S. Siyoyev, Avaz

Koʻchlarni yigʻishtir! Aravani qoʻsh! Quvaga joʻnagaymiz! — P. Qodirov, Yulduzli tunlar

2. Koʻch koʻtarmoq Roʻzgʻori bilan, oʻziga tegishli narsa-buyumlar bilan boshqa joyga koʻchmoq, ketmoq

Saodat turmush oʻrtogʻi bilan koʻchini koʻtarib, koʻp joylarda boʻldi — Nazarmat, Joʻrlar baland sayraydi

Lobar koʻchini koʻtarib ketganiga yigirma kuncha boʻldi — H. Gʻulom, Toshkentliklar

fl. 1. Koʻchmoq feʼlining orttirma nisbati.

Qishloqni shu yerga, yangi ariqning ikki yuziga koʻchirmoqchimiz. — A. Qahhor, Qoʻshchinor chiroqlari

Yarangdan eski dokani koʻchirar ekanman, butun badanim zirqirab ketdi. — Shuhrat, Shinelli yillar

2. Matnni boshqa qogʻozga qayta yozmoq yoki qayta chizmoq, undan nusxa, koʻchirma olmoq.

Elmurod har jumlani necha qayta oʻylab, har yozganini kun sayin yana boshdan koʻchirib, respublika gazetasiga maqola tayyorladi. — P. Tursun, Oʻqituvchi

Gaplarda shoirlar oʻz yangi sheʼrlaridan oʻqir, savodli kishilar esa ularni qoʻlda koʻchirib, tarqatardilar. — T. Obidov, Yusufjon qiziq

3. Oʻtkazmoq, oʻzgartirmoq.

Tegirmonni ham elektr bilan ishlashga koʻchirish lozim — R. Fayziy, Choʻlga bahor keldi

Injener-mutaxassislar, yarimavtomat usuliga koʻchirish mumkin, degan qarorga kelishdi. — M. Xayrullayev, Tilla marjon

ot etn. Kasaldan ins-jinslarni haydash uchun qilinadigan irim-sirim.

Baxshilar qoʻbizni chalib, kasallarni koʻchiriq qiladilar. — M. Muhammadjonov, Turmush urinishlari

Jonliq soʻyib, qoni bemorning badaniga surtildi, koʻchiriq qilindi. — Mushtum

Naziraxon domlaga oʻqitib, tabibi gʻayblikni boʻyniga olishi kerakmish. Boʻlmasa koʻchiriq boshlanarmish. — H. Shayxov, Tutash olamlar

ot 1. Asl nusxadan yozib, chizib, koʻchirib olingan nusxa.

Buyruqning koʻchirmasi. Qarordan koʻchirma olmoq.

Sayfiddin aka oʻrnidan turdi-da, arxiv materiallaridan koʻchirma olib toʻplangan papkalardan biri ichidan Georgiy Sinyavskiy xatining koʻchirmasini topib oʻqiy boshladi. — Oʻzbekiston qoʻriqlari

Mahalliy va markaziy gazetalardan olingan koʻchirmalar bilan bezatilgan nutqning oʻn minuti davomida rais majlis ahlini ikki marta tartibga chaqirdi. — A. Qahhor, Asarlar

2. Boshqaning ishidan aynan yoki qisman koʻchirilgan, oʻgʻirlangan.

Koʻchirma asar.

eviction