Қидирув

сфт. Кеки бор, кек сақлаган.

Шундай, у Анварга кекли эди. Шунинг билан бирга, Анварга қарши амалда бир иш қилиш кучидан ҳам маҳрум эди. — А. Қодирий, Меҳробдан чаён

Лекин булар аллақандай аламзада, кекли, доим талвасада. — А. Мухтор, Чинор

от Бирон нарса таъсирида кўнгилда бўлган, қолган аччиқ-алам, ўч олиш ҳис-туйғуси.

Кек сақламоқ.

Болангизнинг бир мартаба дада деганини эшицангиз, ҳар қанақа кек эсдан чиқади. — А. Қаҳҳор, Қўшчинор чироқлари

Салим Гулнорга қарши синглисида бўлган зўр кекдан фойдаланиш керакми, ёʻқми, кўзини юмиб ўйлай бошлади. — Ойбек, Танланган асарлар

Ўзим айтганча, унинг кўнгли юмшоқ, тезгина шахтидан тушади. Унақа кек сақлашни яхши кўрмайди. — Ойдин, Икки кўзи шунда

от Сут, ёғ қўшиб оширилган хамирдан кўпинча майиз қўшиб пиширилган ширинлик (одатда кулча ёки пирог шаклида бўлади).

зиравор ўсимликарабчаزعتر za'tarрусчатимьянинглизчаThyme

сфт. 1. Узоқ яшаб катта ёшга етган, умрининг охирги босқичини яшаётган; қари.

Кекса одам. Кекса аёл. Кекса чинор.

Қуёш энди тиғ ёя бошлаган салқин сабоҳда Қорабулоқ қишлоғидан бири кекса, бири ёш — икки отлиқ чиқиб келаверди. — М. Исмоилий, Фарғона тонг отгунча.

Ана, кекса қайрағоч, унинг тунука том устига энгашган азамат шохи қуриб қолибди. — С. Аҳмад, Қадрдон далалар

2. от Кекса ёшдаги шахс; қария.

Кексалар чойхонаси. Кексалар ўгити.

Кексалар бўлса, бундай иссиқ ўттиз йил бурун бўлганини, ўшанда ҳам шаҳар товадай қизиб, одамлар атроф чорбоғларда жон сақлашганини эслашарди. — Мирмуҳсин, Умид

Кексаларнинг айтишича, бундай пайтларда бирон-бир тепаликнинг устига чиқиб, жимгина қулоқ солиб ёцангиз, ернинг нафасини эшитармишсиз. — Ў. Ҳошимов, Қалбингга қулоқ сол

3. кўчма Узоқ йиллардан бери мавжуд, кўп йилларни кўрган; қадимий, эски.

Кекса билим даргоҳларидан бири.

Ҳар бир халқнинг оғзаки бадиий ижодиёти у халқнинг тарихи қадар кексадир. — ЎТА

Эй, кекса булоқлар, эски қадрдон, Ўйноқи умримдай жўшиб оқдингиз. — Ғайратий

Шундай ёрқин, шундай ойдин замони ҳам бўлармикин бу жафокаш кекса дунёнинг?! — М. Исмоилий, Фарғона тонг отгунча.

от Кек сақлайдиган, ўч олиш пайига тушган; адоватчи.

Кекчи одам. Ўтакетган кекчи.

Аввалам, мен сиз ўйлаганча кекчи эмасман. Сизда нима айбки, сиздан ўч олсам. — Шуҳрат, Жаннат қидирганлар

Ҳа, гап ўртамизда қолсин-у, Сардороени иззат-нафси зўр, кекчироқ одам, дейишади. — Ҳ. Назир, Кўктерак шабадаси