Поиск

sft. Eshitish qobiliyatini yoʻqotgan, eshitmaydigan yoki yaxshi eshitmaydigan, shuningdek, eshitgan soʻzining maʼnosini ajratish darajasi juda pasayib ketgan; garant, karquloq.

Ha, menga nima boʻpti, eshitmay qulogʻim karmi? — Oydin, Hikoyalar

Qulogʻi ogʻir yoki butunlay kar kishilar uchun elektron quloqning tajriba nusxasi yaratildi. — Fan va turmush

ot 1. Qovun yoki tarvuz tilimidan koʻndalangiga kesilgan boʻlak(lar).

Epchil bakovul darhol dasturxon yozib, eng oldin bir dasta non, keyin anjir, uzum, karj qilingan qovun keltirib qoʻydi. — M. Osim. Elchilar.

Alijon, qoʻlida bir karj tarvuz ushlagan holda, boshini sarak-sarak qildi. — H. Nuʼmon, Fasllar

2. Doʻppi taxining toʻrt qismga ajraladigan boʻlaklaridan biri.

-Hoy quda, menga qarang, — qoʻlidagi chust doʻppining karjlarini tekislay turib gapira boshladi Xosiyat xola — R. Fayziy, Choʻlga bahor keldi

3. Biror joy, sathning bir xildagi ajralgan qismi, boʻlagi.

Tabiatmi, yozgi joziba, afsun, Archa togʻlarining karjlarida qor. — S. Akbariy

s. t. Karkidon.

Samandar ot qoʻyadi, Karkday boʻlib gʻarqirab. — Gulnorpari

ot Chuchuk suvlarda yashovchi, terisi yaltiroq tangacha bilan qoplangan suyakli baliq; zogʻorabaliqning xonakilashgan bir turi

karp baliqlarining gavdasi qoʻpolroq, uzunchoq, oʻzi chittakdek chaqqon. — H. Nazir, Soʻnmas chaqmoqlar

ot Poliz ekini, rezavorning bir turi va shu ekinning barglari oʻramidan hosil boʻlgan boshi, hosili.

Karam koʻchati. Karam tuzlamoq. Karam shoʻrva. Karam doʻlma.

Butun oilasi bu yerga pomidor, piyoz, rediska, karam va hokazo rezavor ekib, mumkin qadar eldan burunroq bozorga chiqarib, pul qilishga tirishar edi. — Oybek, Tanlangan asarlar