Поиск

ot 1. Tar. Qishloq maʼmurlari, ruhoniylari, shuningdek, qishloqqa xizmat qiluvchilarga (masalan, mirob, podachi, sartarosh, tegirmonchi va shu kabilarga) dehqonlar tomonidan mahsulot, don bilan toʻlanadigan haq.

Bek-ku bu, yigitlari bilan kelibdi, yaxshilikka boʻlsin ishqilib. Kapsan olishga kelgandir-da. — A. Suyun, Olis tonglar

2. esk. Xirmon koʻtarilganda kambagʻallarga beriladigan sadaqa-siylov.

Eshak minib choʻlma-choʻl kapsan yiqqan chol hozirgi zamon Pobedasiga tushib yuripti. — I. Raxim, Olovkor

Oʻzi toʻngʻizdan toʻq, tagʻin sendan kapsan olar emish, voy kapsan yegan tishingga — A. Qodiriy, Obid ketmon

3. tar. Bozorda sotilgan gʻalladan olingan haq.

Shokirjonni “saxiy yigit” deyishadi. Oʻzi topgan kapsan va choʻtal-larning qoq yarmini boshliqlarga beradi. — Mushtum

ot tar. Kapsan oluvchi.

Kapsanchilar deganining maʼnosi shuki, hosildan boylar yerining haqini, knyaz suvining haqini olgandan keyin dehqonga kapsan qatori bir narsa qolar edi, xolos. — A. Qahhor, Qoʻshchinor chiroqlari

Shokirjon Samigʻov koʻrindi deguncha, bozordagilar ana, kapsanchi kelyapti, deyishadi. — Mushtum.

ot Vaqtincha yashash uchun daraxt shoxlari va yirik oʻt-oʻlanlar bilan oʻrab quriladigan xona, yozlik uy; chayla.

Hamma oʻziga qamishdan kapa qilib olgan. — S. Ahmad, Odamning izi

Bahor va yoz kunlari kapada kun oʻtkazish mumkin-a, ammo qahraton qishda, ayniqsa kechalari, sira chidab turib boʻlmasdi. — J. Sharipov, Xorazm.

ot Turli mexanizmlarda ularning maʼlum qismlarini chang, namlik, yogʻin-sochin va shu kabilardan saqlash uchun ishlangan, ochilib-yopiladigan temir qopqoq.

Samolyot kapoti.

[Azizov] Kapotni yopib, chaqqonlik bilan kabinaga chiqdi. — Sh. Toshmatov, Tongdagi koʻlanka

Mashina motori bir-ikki yoʻtalib oʻchdi. Vahobjon shoshib tushib, kapotni ochdi. — S. Ahmad, Togʻ afsonasi

ot 1. Poyabzalning tagcharmi.

2. Eskirgan, teshilgan tagcharm ustidan qoplanadigan charm, rezina va shu kabilar

Charm kapaki. Rezina kapaki.

Uning [

Omontoyning] kapaki solinaverib, tagcharmi qalinlashib ketgan etigining qoʻnjlari buklanib, chang yigʻilib qolgan. — S. Ahmad, Choʻl shamollari