Поиск

ot 1. Daraxt tanasining shox-butoqlari kesib tashlangan yuqori qismi, kesilgan shoxi, butogʻidan qolgan qismi.

Abror, oʻgʻlim, ana u behining kallagiga gazeta qistirib qoʻygan edim, shuni olib kel. — A. Qahhor, Asror bobo

Podishoning dori shu Guliston shahrining bir chekkasida, kallak tutga yaqin joyda edi. — Murodxon

2. Biror narsaning bosh qismi.

Silindrlar kallagi. Raketaning yadroli kallagi.

3. maxs. Kulolchilikda idish va boshqalar yasashda ishlatiladigan moslama — charxning loy qoʻyiladigan joyi.

Kulol charx kallagiga qoʻygan gumbaz-loydan idish yasab, olmadek ortib qolganini tashlab yubormay, hushtak yasaydi. — Mirmuhsin, Meʼmor

sft. 1. Koʻp yillardan beri kallaklanaverib, sershox boʻlib ketgan, kallaklangan joyi yiriklashib ketgan.

Yoʻlning ikki chetida esa har xil daraxtlar, sambittollar, kallakdor tutlar qad koʻtargan. — Sh. Toshmatov, Erk qushi

2. s. t. Kallador.

ot Odam oʻldiruvchi, bosqinchi; hech narsadan hayiqmaydigan ashaddiy jinoyatchi.

Azim tajang qimorbozlar, oʻgʻrilar, kallakesarlar orasida koʻp boʻlgan. — M. Ismoiliy, Fargʻona tong otguncha.

fl. Keksaygan meva daraxtlarini yoshartirish, yangitdan shoxlatish maqsadida ular tanasining yuqori qismidagi eski shox-butoqlarini kesib tashlamoq; kallak urmoq.

Tollarni kallaklamoq.

Bek akaning yigitlari tutga chiqib, shoxlarni kallaklay boshladi. — S. Nurov, Narvon

fl. Kallaklamoq feʼlining majhul nisbati.

fl. Kallaklamoq feʼlining birgalik nisbati.