ot 1. Xarajatlardan, chiqimdan orttirib, tejab-tergab toʻplangan pul; mablagʻ.
Mehnat jamgʻarmasi.
Elchiyev ham jamgʻarmasidan yaxlitini koʻtarib, bozor-oʻchar taraddudiga tushdi. — E. Aʼzamov, Javob
Imoratlarning yarmi jamoa yoʻli bilan qurib berildi, yarmini dehqonlar oʻz shaxsiy jamgʻarmasi hisobiga qurdi. — Gazetadan
2. Ehtiyot qilib saqlanadigan joy; fond.
Ayrim rasmlar muzey jamgʻarmasida saqlanmoqda.
3. Maʼlum bir faoliyat (ilmiy izlanish, oʻqish-oʻqitish va shu kabilar) turiga, kishilarning muayyan ijtimoiy guruhiga yordam berish maqsadida tuzilgan tashkilot; fond.
Ijtimoiy jamgʻarmalar. Xalqaro jamgʻarma.