Поиск

ot Tezlik, tezkorlik.

Inobat ertalab turib, dalaga chiqib ketdi va jadallik bilan paxta tera boshladi. — J. Sharipov, Saodat

Oʻrinboy Abdullayev jadallik bilan pulemyotdan oʻq yogʻdirib, fashist galalarini yerga qapishib olishga majbur etdi. — T. Rustamov, Mangu jasorat

sft. 1. Tezlik bilan, tez.

Fan-texnika jadal surʼatlar bilan rivojlanmoqda. — Oʻzbekiston qoʻriqlari

Ergash lom-mim demay, koʻchaga qarab jadal yoʻl oldi. — K. Yashin, Hamza

Salimaxon jadal yurib, koʻchaga chiqdi. — R. Fayziy, Sen yetim emassan

2. sft. Kechiktirib boʻlmaydigan, oshigʻich, shoshilinch.

Elmurod jadal ishi borday chiqib ketdi. — Shuhrat, Shinelli yillar

fl. Oʻz tezligini, surʼatini oshirmoq, tezlashmoq.

Sidiqjon sekin burilib, ancha yergacha boshini quyi solgan holda bitta-bitta qadam tashlab bordi, keyin jadalladi. — A. Qahhor, Qoʻshchinor chiroqlari

Davron aka bir nima deb qoʻlini siltadi-da, jadallab ketdi. — O. Yoqubov, Izlayman

Abdukabir aka sex tomon odati boʻyicha jadallab yurib ketdi. — F. Musajonov, Kamtarin ishchi

fl. Jadallamoq feʼlining majhul nisbati.

fl. Jadallamoq feʼlining orttirma nisbati.

fl. Jadallamoq feʼlining birgalik nisbati.