Qidiruv

fl. Suv yoki boshqa suyuqlikni emib, shimib hoʻl boʻlmoq, nam tortib yumshamoq; boʻkmoq.

Suvda ivigan non. Kiyimlarim yomgʻirda ivib ketdi.

Sulton tovoqdagi qaymoqni shimib, ivib qolgan non burdalarini lunjiga toʻldirib chaynay boshladi. — H. Gʻulom, Mashʼal

Safarov, papiros naychasining ivigan joyini tishi bilan uzib, puflab tashladi-da, oʻychan javob berdi. — A. Qahhor, Qoʻshchinor chiroqlari

sft. 1. Supurib-sidirilmagan, yigʻishtirilmagan, betartib holdagi.

Ivirsiq uy.

Shipi past, devorlari yupqa, torgina doʻkonxona har vaqtdagiday ivirsiq. — Oybek, Tanlangan asarlar

2. Saranjom-sarishta boʻlmagan, uy-roʻzgʻorni betartib tutadigan; pala-partish.

Ivirsiq xotin.

fl. 1. Mayda-chuyda ishlar bilan ovora boʻlmoq, imillab ishlamoq, gʻimillab yurmoq.

Anzirat xola oʻz-oʻzidan javrab, qorongʻida ivirsib yurar edi. — A. Qahhor, Qoʻshchinor chiroqlari

2. Supurilmay-sidirilmay, yigʻishtirilmay, betartib holga kelmoq, kir, chang va shu kabilar bilan qoplanmoq.

Uy ivirsib yotibdi. Ivirsigan uyga mehmon kelar. — Maqol

Mashina poxol-xashaklar sochilib, ivirsib yotgan tegirmon eshigi oldidagi yalanglikda doira yasab toʻxtadi. — D. Nuriy, Osmon ustuni

fl. Ivirsimoq feʼlining orttirma nisbati.

taql. s. Shivirlashuvchilarning oʻzgalarga aniq eshitilmaydigan (odatda, sirli) suhbati va shu suhbat tovushi; shivir-shivir.

Ivir-shivir gaplar.

Toʻxtasin oʻrtoqlarini yigʻdi, ularga ivir-shivir bilan bir nimani tushuntirdi. — Oybek, Tanlangan asarlar

Koʻp vaqtgacha Oftob oyimning ivir-shiviri nabira toʻgʻrisida boʻlib qoldi. — A. Qodiriy, Oʻtgan kunlar