Qidiruv

sft. Istiqboli porloq, kelajagidan yaxshi umid qilsa boʻladigan.

Istiqbolli yosh olim. Istiqbolli ish.

Istiqbolli reja va loyihalarga esa lozim darajada eʼtibor berilmadi. — Gazetadan

Berta Davidovaning bundan keyingi ijodi yanada barkamol, yanada istiqbolli boʻlishiga ishonamiz. — B. Nasriddinov, Sanʼat oshigʻi

ot 1. Kelgusi zamon, kelgusidagi holat, hayot; kelajak.

Na hozirgi holati, na istiqboli unga hech narsa vaʼda qilmas edi. — A. Qahhor, Sarob

Anvar istiqbolda qanchalik mushkulot va xatar koʻrmasin, bu jasoratni xush qabul qilishga majbur, chunki muhabbatdan ham ilgari yigitlik taqozosi shu edi. — A. Qodiriy, Mehrobdan chayon

2. Kelgusiga oid, kelajak bilan bogʻliq narsa, ish va shu kabilar

Yakun va istiqbollar. — Gazetadan

Oʻzaro manfaatli iqtisodiy hamkorlik uchun chinakam istiqbollar ham belgilab olindi. — Gazetadan

Bundan maqsad bu konlarning qachon ochilgani, qancha muddat foydalanilgani va, nihoyat, ularning istiqbolini aniq belgilash ustida ilmiy ish olib borish edi. — S. Karomatov, Oltin qum

3. Qarshi olish, qarshilash (va uning belgisi, ifodasi).

Yigitali qadamini tezlatdi-yu, negadir qiz istiqboliga oshiqmadi. — D. Nuriy, Osmon ustuni

Choʻlbobo istiqboliga ayollar oʻrinlaridan turdilar, unga toʻrdan joy koʻrsatdilar. — H. Gʻulom, Feruza

Umid uzoqdan Hafiza kelayotganini koʻrib, istiqboliga yura boshladi. — Mirmuhsin, Umid

Ikki soldat bilan istiqboliga chiqdi. — S. Ahmad, Ufq

Текущие и перспективные потребности в средствах производства

a having no prospects, with no prospect