Qidiruv

fl. Kasallik yoki yuk ogʻirligidan gavdani zoʻriqqan holda tutmoq va shu holatga mos tovush (ih, ih kabi) chiqarmoq; zoʻriqib (tikilib) nafas chiqarmoq

Koʻzini ochmaydi, oʻqchiydi, inqillaydi. Butun badani oʻt boʻlib yonadi. — S. Siyoyev, Yorugʻlik

Kampir inqillagancha joyiga borib oʻtirdi, tizzalarining koʻzini uqalab, ogʻir soʻlish oldi. — X. Sultonov, Onamning yurti

Shodmonxoʻja esa turolmay inqillar, ogʻzi-burnidan oqayotgan qonni toʻnining bariga artar edi. — K. Yashin, Hamza

n moan, groan

fl. Inqillamoq feʼlining orttirma nisbati.

fl. Inqillamoq feʼlining birgalik nisbati.

ot 1. Umuman, jamiyat hayoti va uning sohalarida boʻladigan oʻzgarish, tubdan oʻzgarish.

Bu kunlar boshimizda bir sahob oʻlsa, ajab ermas, Munavvar suv yuzinda bir oftob oʻlsa, ajab ermas Qarigan chogʻda Zavqiy, inqilob oʻlsa, ajab ermas. — Zavqiy

2. Bir ijtimoiy tuzumni boshqasi bilan almashtirish orqali boʻladigan oʻzgarish; toʻntarish.

Fevral inqilobi.

Inqilobni gʻarb olimlari ham ijtimoiy taraqqiyotning ibtidoiy va yovvoyi shakli, deb ataganlar. — Gazetadan

3. Inqilob (erkaklar va xotin-qizlar ismi).

ot 1. Taraqqiyotda orqaga ketish, pasayish; tanazzul, tushkunlik.

Bino-barin, biz moddiy tanazzul bilan maʼnaviy inqiroz muvoziy [teng, barobar] tarzda yuz berishini boshimizdan kechirdik. — Gazetadan.

2. Tugash, oxir boʻlish, bitish.

Moʻmin mirzoning oʻlimi temuriylar xonadonining inqirozidan nishonadir. — Uygʻun va I. Sulton, Alisher Navoiy