Қидирув

сфт. Яхши ҳуснга эга.

Бош яланг, яланг оёқ, кўйлаги йиртиқ хотиннинг юзига изтироб шундай чанг солган эдики, йигитлар уни Мишанинг онаси, кечаги кўркам, ҳуснли аёл эканини базўр фарқ қилдилар. — Ойбек, Қуёш қораймас

от 1. Ёқимли, ўзига тортувчи тус, кўриниш; чирой, кўрк (инсон юз тузилиши, ифодаси, ранги ва шу кабиларга нисбатан).

Ҳусн тўйда керак, ақл кунда керак.

Гулшанбону Худоёр хонлигининг иккинчи даврида ўз ҳусни билан бир неча мартаба хоннинг илтифотига сазовор бўлган ҳарам канизларидан эди. — А. Қодирий, Меҳробдан чаён

Содиқжон одобли, ақлли, қомат-у ҳуснда ҳам кўзи тушган қизларни қоқилтирадиган йигит эди. — Р. Файзий, Чўлга баҳор келди

Ташвиш қиз боланинг ҳуснини оларкан, шўхлигини ҳам, овозидаги латофатини ҳам қуваркан. — С. Аҳмад, Уфқ

2. кўчма Ёқимли кўриниш; чирой.

Биз, этагимиздаги ямоқ кўрпадай, қишлоғимиз ҳуснини бузиб турган чўл парчасига сўнгги марта ҳужум қиламиз. — Ўзбекистон қўриқлари

Кечаги чангбосди ёмғир табиатга ҳусн бериб кетганидек, одамларнинг ҳам баҳридилини очиб юборади. — Н. Фозилов, Дийдор

3. кўчма Чирой бўлувчи нарса, чирой тимсоли; чирой.

Фарғона — Ўзбекистоннинг ҳусни, холи. — Шуҳрат, Шинелли йиллар

Яхши йигитлар — армиянинг ҳусни! Шуҳрат, — Шинелли йиллар

Каналнинг икки ёқаси бўйлаб қурилган икки қаватли бинолар шу қадар кўркамки металлурглар шаҳарчасига ҳусн бўлиб тушган эди. — Н. Сафаров, Танланган асарлар

сфт. айн. Ҳуснли.

Ҳусндор йигит.

Уйдан Ўрмонжоннинг хотини —

тўлагина, хийла ҳусндор жувон чиқиб, Сидиқжон билан кўришди. — А. Қаҳҳор, Қўшчинор чироқлари

shıraysız, sıqılsız, sıqılı joq, kóriksiz

от 1. Қоидага мувофиқ чиройли қилиб ёзиш; каллиграфия.

институт ҳузуридаги бошланғич таълим кабинетида ўқувчиларга ҳуснихат ўргатиш бўйича бир ойлик семинар ўтказилди. — Газетадан

2. Чиройли ёзув, чиройли ёзилган хат.

[Пўлат] Конверт устидаги адресга, таниш ва қадрли ҳуснихатга тикилганча, хаёлга чўмди. — Ш. Рашидов, Қудратли тўлқин

Нафис гулли лаганларнинг ўртасига ҳуснихат билан байтлар битилган. — С. Анорбоев, Оқсой

от 1. Ёғ безлари функсиясининг бузилиши туфайли терига турли хил тошмалар тошиши (кўпинча балоғатга етиш даврида йигит-қизларнинг юз, кўкрак, энса терисида пайдо бўлади).

лейтенант бор-ку анави-чи, юзларига ҳуснбузар тошиб кетган. — Шуҳрат, Шинелли йиллар

Умид кун ора эрта билан соқол қиришга тутинарди. Баъзан кўпик остидаги ҳуснбузарларини кесиб, қонатиб юборарди. — Мирмуҳсин, Умид

2. кўчма Манзарани хунуклаштирадиган, қиёфани ёмонлаштирадиган хунук нарса.

Гўзал биноларнинг айримлари деворларига ёпиштирилган ҳуснбузар эълонларга кўзингиз тушса, таъбингиз хира бўлади. — Газетадан