Поиск

ot Togʻli yerlarda oʻsadigan yovvoyi olcha va uning mevasi.

Toshkentlarga posilkalar solayin, Yor yemakka chiya, olma olayin. — Qoʻshiqlar

Gʻir-gʻir shamol esadi, qoraqand, chiyalarning yoqimli isi anqiydi. — S. Murodbekov, Yovshanisi

ot 1. Abxaziya mamlakatiga mansub tub xalqning (millatning) nomi.

2. Shu xalqqa mansub, tegishli.

Nohiya yigiti. Nohiya tili.

ot 1. Kiyim, mato va shu kabilarning aylanasi, cheti.

Belida hoshiyasiga gʻazal bitilgan qiyiq, oyogʻida qoʻnji tor agʻdarma etik — K. Yashin, Hamza

Men ketdim, deb hoshiyali titilgan qalin portfelni qoʻltiqlagancha. xonadan chiqdi. — S. Karomatov, Oltin qum

Qamchi yangi qizil toʻn kiygan. Hoshiyasiga allaqanday jivir-jivir gul naqshlangan bu toʻn uning past boʻyiga, qotma gavdasiga juda yarashib tushibdi. — H. Gʻulom, Mashʼal

2. Kiyim, mato kabilarning chetiga, aylanasiga tortilgan, solingan narsa (lenta, naqsh va shu kabilar).

Ularning koʻzlari Poʻlatjonning koʻkragidagi orden, medallar, yelkasidagi pogon, yengidagi yaltiragan sariq va havorang hoshiyalarda edi. — H. Nazir, Soʻnmas chaqmoqlar

Oq tunuka parchasi tekis qilib qirqilgan atroflariga ustalik bilan bolgʻaning uchida nozik jimjima hoshiya solingan edi. — I. Rahim, Ixlos

Chekkasiga koʻra hoshiya tutilgan bayroq oldinda xomushlik bilan silkinib, hilpirab borardi. — S. Zunnunova, Gulxan

3. Kitob yoki daftar varagʻi atrofidagi xat yozilmay ochiq qoldirilgan qism.

koʻksini oʻrtayotgan oʻkinch, alam, haqorat patqalamni bir dam toʻxtamaydi, varaqning ikki beti hoshiyalari aji-buji mayda harflar bilan toʻlaveradi. — S. Siyoyev, Yorugʻlik

4. tar. Arab tili grammatikasidan Madrasa talabalari uchun tuzilgan qoʻllanma (leksik va grammatik xususiyatlarga doir izohlar majmui).

Sohib oʻgʻli madrasada Hoshiyagacha oʻqigan, yangi usulda taʼlim-tarbiya kursini tugatgan. — Gazetadan

Ularning [tolibi ilmlarning] qay biri “Qofiya”da, qay biri Hoshiyada, qay biri Shamsiyada. — Oybek, Navoiy

5. Hoshiya (xotin-qizlar ismi).

ot 1. kt. Biror shaxs, narsa, voqeani maqtab yozilgan, oʻqilgan sheʼr yoki nutq; madh, maqtov.

[Komil Nurmatga:] Gʻalabaga marsiya emas, madhiya munosib. — Uygʻun, Hayot qoʻshigʻi

Kunlarni kitob sotish, boʻsh vaqtlarni oʻzi tanigan va tanimagan masʼul xodimlarga sheʼriy madhiyalar yozish va bu madhiyalarni uchragan odamga oʻqib berish bilan oʻtkaza boʻlmadi. — A. Qahhor, Qoʻshchinor chiroqlari

Shon-shuhrat orzusida yongan telba hokim esa bu madhiyalardan badtar shishardi. — O. Yoqubov, Koʻhna dunyo

2. Tantanali qoʻshiq; davlat yoki siyosiy sinf birligining alomati boʻlgan tantanali sheʼriy-musiqiy asar.

3. Madhiya (xotin-qizlar ismi).

ot 1. Biror narsaning zamiridagi tub, eng muhim maʼno, ichki mazmun, magʻiz.

Mohiyat — nafaqat Buxoro oʻlkasini, balki Turkiston, Xorazm, Fargʻona muzofotlari, alqissa, ikki aryo oraligʻini yovdan ozod etishdan iborat! — Sh. Xolmirzayev, Qil koʻprik

Rixsivoy, chamamda, choʻlquvarlarning ulkan ishining mohiyatiga tushunmayapti. — R. Fayziy, Choʻlga bahor keldi

2. fls. Narsalarning ichki mazmuni boʻlib, ularning turli-tuman xossalarini va munosabatlarini yaxlit aks ettiradi. qiyos. hodisa.

ot Ruhiy kechinmalar majmui, ruhiy holat.

Alla nafaqat uxlatilayotgan goʻdak qalbiga, balki kishilar ruhiyatiga ham ijobiy taʼsir koʻrsatadi. — Saodat

Bogʻlarga, madaniyat uylariga, maydonlarga, koʻchalarga berilayotgan nomlarning xalq ruhiyatiga oʻtkazadigan taʼsirini faqat zukko odamlargina anglaydilar. — Mushtum

Kishilarimiz ongida, ruhiyatida, qalbida va qiyo-fasida kuzatilayotgan hurlik oʻzgarishlarini boʻy-basti bilan koʻrsatish ijod ahli oldida oʻta dolzarb vazifa boʻlib turibdi. — Gazetadan