Қидирув

от 1. Маълум мақсад билан бўлинган, қисмларга ажратилган нарсанинг ҳар бир бўлаги, қисми; қисм, бўлак.

Ҳосилнинг тўртдан уч ҳиссаси.

Кейин лойқа сувда балиқ тутиб, ўзига катта ҳиссани қўпоради. — Ойбек, Танланган асарлар

2. Муайян шахс ёки нарсанинг ҳақ-ҳуқуқи, имкони; тан, чек.

Мажидиддин ўз ҳиссасига тушган туманларни санаб чиқди. — Ойбек, Навоий

3. айн. Улуш 1.

Ўз ҳиссасини ортиғи билан олди.

Илгарига, ҳеч бўлмаса, ҳар кимга ўз ҳиссаси тушади, деган умид бор эди. Энди уч хотинга бир ҳовучдан ер, қолган ҳаммаси Зебихонга — Чўлпон, Кеча ва кундуз

Мадраса вақфидан кутубхонадор учун ҳам ҳисса тайин қилганлар. — С. Айний, Эсдаликлар

4. Бирор нарса, умумий иш ва шу кабиларни ташкил этувчи қисм; унга қўшиладиган қисм; улуш.

Бу ишда менинг ҳам муносиб ҳиссам бор.

Ислом маданиятини ривожлантиришга катта ҳисса қўшган муҳтарам зотларнинг номлари бутун оламга машҳур. — Газетадан

Ушбу нашрга Лутфийнинг ўзбек классик шеърияти тараққиётига залворли ҳисса бўлиб қўшилган ажойиб шеърий меросидан намуналар киритилди. — Газетадан

5. эск. Бирор ташкилот ёки тўдага қўшилиш, шерик бўлиш ёки аъзо бўлиш учун кириш ҳақи сифатида тўланадиган ҳақ, пай.

6. Марта, баробар.

Уч ҳисса ортиқ. Даромад ўтган йилгига нисбатан икки ҳисса кўпайди.

Бурноғи йили саноат корхоналари икки ярим ҳисса маҳсулот етказиб берди. — Газетадан

шундай воқеалар содир бўлдики, булар даҳшатли афсонадан минг ҳисса ёмонроқ бўлиб, уларни даф қилишга сўфиларнинг азони ҳам кор қилмай қолди. — П. Турсун, Ўқитувчи

сфт. 1. Ҳис, сезгига оид.

Дунёга келган чақалоқлар улғайгани сайин, уларда ҳиссий аъзолар аста-секин шакллана боради. — Фан ва турмуш

2. Ҳис-туйғу билан боғлиқ, ҳиссиётни ифодаловчи.

Ҳиссий ҳолат. Ҳиссий кечинмалар.

Қитъа тили учун ғазалга хос бўлган ҳиссий бўёқлар ёлқинида сўзларни жилвалантириш тамойили характер касб этмайди. — ЎТА

Ўзида юксак ҳиссий-ахлоқий маданиятни мужассамлантирган тарбиячигина бола кайфиятига мос воситаларни танлай билади. — Фан ва турмуш

сфт. 1. Сезиш, ҳис этиш қобилиятидан маҳрум, сезмайдиган; ҳушсиз.

Наҳот жумҳурият матбуоти Кенжалар сингари бадхоҳ, жоҳил, ҳиссиз, кишининг камолотини кўролмай турганлар қўлида бўлса! — А. Қаҳҳор, Сароб

Шоирни ҳеч таниганми ҳиссиз димоғдор — А. Орипов, Йиллар армони

2. Ҳиссиёт, ҳис-туйғудан холи; бирор ҳис-туйғу уйғотмайдиган.

Очеркда қаҳрамон ҳақида фақат унинг планни ортиғи билан бажариши ҳиссиз баён этилган. — Ф. Мусажонов, Ҳиммат

— Бўлди йиғламанг, —унинг овози негадир ҳиссиз, совуқ эди. — Ў. Ҳошимов, Қалбингга қулоқ сол

от эск. Ҳисса қўшган, пай киритган, шерик.

Ўша кунларда бир ҳиссадор ширкатга оз сармоя билан бўлса ҳам шерик бўлди. — А. Қаҳҳор, Асарлар

от Киши руҳиятида юзага келган ҳиссий ҳолат; шахснинг воқеликдаги нарса ва ҳодисаларга, кишиларга ҳамда ўз-ўзига бўлган муносабатларидан келиб чиқадиган кечинмалари.

Ҳулкарнинг Роҳила холага раҳми келди, уни аллақандай бир ҳиссиёт ҳаяжонга солди. — Ж. Абдуллахонов, Тўйга келинглар

У ширин, оромбахш ҳиссиётлар қуршовида туннинг қандай ўтганини ҳам билмай қолди. — С. Кароматов, Бир томчи қон

Бугунги кун ёзувчиси замонамиз кишисининг ўй-хаёллари ва ҳиссиётларини ўз қалбида туйган ижодкордир. — ЎТА

Кишининг ички ҳиссиётини юзидаги ўзгаришлардан тезда пайқаб олувчи Исломхўжа қизидаги алам-изтиробнинг изларини дарҳол сезди. — Ж. Шарипов, Хоразм

сфт. 1. Ҳис этиш қобилияти кучли.

Ҳанифа Мавлонова ниҳоят баланд овозли, лирик ҳиссиётли артистка. — Ю. Ҳамдам, Дўстлик қўшиқлари

2. Ҳиссиёт ифодали.

Бердақ нафис ҳиссиётли, теран ижтимоий мазмунли лирик шеърлар яратди. — В. Зоҳидов, Ҳақиқат жарчиси