Қидирув

сфт. 1. Қизил, қирмизи рангли қимматбаҳо тош.

Унинг ўнг қўлининг синчалоғида ҳақиқ кўзли узуги бор. — А. Ҳакимов, Илон изидан

Улуғбекнинг қабри устига ажойиб ҳақиқ, марварид тошлар қўйилган. — А. Толибов, Ўзбек мармари

Марҳамат пиёлани қўлга олиб, унинг ичидаги қип-қизил, ҳақиқ сингари винога тикилди. — Р. Файзий, Кишиларимиз қиссаси

2. сфт. Қизил рангдаги; қизил, қирмизи.

Унинг сурма кўзлари, қайрилма қошлари чимирилган бўлса ҳам, ҳақиқ лабларида табассум мавж урар эди. — Ойдин, Эр юрак

Ўша анор донасидай ҳақиқ юз, ўша тим қора кўз, ўша жозибадор табассум ҳамон ўтган кунларни эслатиб турибди. — И. Рахим, Ихлос

от 1. Чиндан хам бўлган, воқеликка мос ҳолат, нарса.

Ишга келганидан бери энди битта жиддий топшириқ олди, ҳақиқатни айтмаслик гуноҳ. — Ф. Мусажонов, Ҳиммат

Инсон бахти меҳнатда эканлиги айни ҳақиқат. — Газетадан

Дейдилар: ҳар замоннинг бордир ўз тарозиси, Оҳ, нақадар рост эрур ушбу буюк ҳақиқат. — А. Орипов, Юртим шамоли

2. Маълум тартиб-қоида, қонунларга мос иш, хатти-ҳаракат, ҳолат; ростлик, тўғрилик.

Халқ афсоналарда ўз орзу-умидларини, юрак нидосини яхшилик ва ҳақиқат учун курашни ифодалаган. — Ўзбекистон қўриқлари

Қаҳрамонлар ҳақида очерк ёзиш учун уларни қидириб топиш, саргузаштларни ҳақиқат, адолат тарозисида тортиб кўрмоқ керак. — Н. Сафаров, Оловли излар

3. флс. Киши онгида воқеликнинг, обектив борлиқнинг ҳаққоний, тўғри акс этиши.

4. Ростлиги фанний ёʻл билан исботланган, тажрибада синалган ҳолат, ҳукм, фикр.

Мана шу соддагина ривоят замирига санъатнинг моҳияти ҳақидаги улуғ ҳақиқат сингдириб юборилган. — Ёшлик

Мен Мирзо сўзига амал қиламан, унинг гапида ҳақиқат борлигига дилим ишониб турибди. — Мирмуҳсин, Меъмор

5. дин. Илоҳиятни (худонинг борлигини) ўз-ўзидан англашиладиган, исбот талаб қилмайдиган, шубҳадан ташқари, аниқ бир ҳодиса деб тушуниш.

сфт. 1. Чиндан ҳам бор, чиндан бўлган; асл, ҳаққоний.

Ҳақиқий аҳвол. Ҳақиқий воқеа. Ҳақиқий факт. Ҳақиқий ҳодиса.

Ҳожи хола ўзининг кимлигини кўрсатадиган ҳақиқий саргузаштини шу ерда яшириб, ёлғон айта бошлаган эди. — М. Исмоилий, Фарғона тонг отгунча

Ҳақиқий фамилияси-чи? Шуни айтинг! — К. Яшин, Ҳамза

Дадам ноёб усул яратиб, ҳақиқий инсондан фарқ қиладиган сунъий одам— биороботни вужудга келтирибдилар. — О. Мўминов, Хиёбондаги уч учрашув

2. Ўз номи, унвони ва шу кабиларга тўла муносиб, лойиқ.

Ҳақиқат учун курашибди, ҳақиқий инсон экан дадангиз. — Ойбек, Нур қидириб

Ҳақиқий олим шуҳрат учун эмас, ҳақиқат, фан равнақи учун курашади. — Р. Усмонов, Одобнома

3. Чин маънодаги.

Аммо ҳақиқий қиш биринчи қор ёққанда билинди. — Ў. Ҳошимов, Қалбингга қулоқ сол

Ҳақиқий ҳаёт меҳнатдан бошланади, меҳнатли ҳаёт гўзалдир. — Газетадан

Ҳақиқий муҳаббат олдида ҳеч қандай гов дош беролмаслигига ишонтиришим керак эди. — О. Мўминов, Хиёбондаги уч учрашув

Ҳақиқий дўстда инсоннинг энг яхши хислатлари мужассамлашган бўлади. — Газетадан

Рости билан; ростдан, чиндан.

Бошлиқнинг авзойи ҳақиқатан ҳам ташвишли эди. — Н. Аминов, Суварак

Ҳақиқатан ҳам Аҳмаднинг мақолани ўқишдан бўлак қиладиган иши ёʻқ эди. — Ф. Мусажонов, Ҳиммат

Ҳақиқатан ҳам унинг шеър ёзишига жиддий сабаб бор эди. П. Қодиров, Уч илдиз.

1. negizinde, tiykarınan

2. haqıyqattan

от Ҳақиқатга амал қилувчи; одил.

Ҳақиқатчи судя. Фирибгар ёндиради, ҳақиқатчи қондиради. — Мақол