Поиск

taql. s. Shiddatli harakat, yonish natijasida chiqadigan boʻgʻiq tovush.

Kostyum yana bitmabdi. Avvaliga shu jumlani eshitib, quruq oʻtinday guv etib yonib ketdim. — S. Abduqahhor, Sanamay sakkiz dema

Hamma guv etib kulib yubordi. — Karomatov, Oltin qum

Xirmonni oʻrab olgan olomon birdan guv etib shov-shuv koʻtardi. — O. Yoqubov, Er boshiga ish tushsa

ot 1. Boʻlib oʻtgan voqea-hodisalarni oʻz koʻzi bilan koʻrgan yoki ularning haqiqatan ham boʻlganligini tasdiqlash uchun shu ish boʻlgan joyga maxsus chaqirilgan kishi; shohid.

Sidiqjon oʻn bir guvohni yoniga olib, rayonga joʻnadi. — A. Qahhor, Qoʻshchinor chiroqlari

Men inqilobgacha va inqilobdan soʻng dehqonlarimiz kechirgan hayotlarining jonli guvohiman. — N. Safarov, Olovli izlar

2. huq. Sud yoki tergovdagi ish yuzasidan oʻz bilganlarini aytib berish uchun sudga chaqirilgan kishi.

Sudga guvohlarni chaqirmoq.

Tergovchi ham

qariyaning guvoh tariqasida ishga aralashtirgani, uning aldanganiga shubha qilmasdi. — S. Yunusov, Kutilmagan xazina

3. Voqea-hodisa, fikr, holat va shu kabilarning toʻgʻriligini tasdiqlovchi narsa; dalil.

Kishini mehnat ulugʻlaydi. Siz-biz koʻrgan hurmat-ehtirom — buning guvohi. — Gazetadan

witness, eye-witness

ayn. Gʻovur.

Mingboshi odamlar gʻuvurining tinchishini, guzarga jimlik choʻkishini kutdi. — M. Ismoiliy, Fargʻona tong otguncha.

Uy ichi jonlanib, yengil gʻuvur boshlandi. — Sh. Toshmatov, Erk qushi

Usti tim bilan qoplangan bu qorongʻi rastada, odatda boshqa rastalarda boʻladigan shovqin-suron, gʻuvur-gʻuvur, shoshqaloq olomon, tiqilinch yoʻq. — Oybek, Tanlangan asarlar

tezlik penen, tez

ot Loydan qoʻlda yasalib, oftobda quritilgan, tagi yassi choʻzinchoq qurilish materiali.

Guvala qilmoq (quymoq). Guvala devor.

Qishloqdagi paxsa devorli qoʻrgʻonchalar boy, badavlat odamlarniki boʻlib, guvaladan qurilgan pastak uylar kambagʻal-qashshoqlarning boshpanalari edi. — P. Tursun, Oʻqituvchi

Toqqa qaratib solingan uy peshayvoniga guvala taxlab qoʻyilgan edi. — X. Sultonov, Onamning yurti