Поиск

ot Gʻarbiy Yevropada va chor Rossiyasida oliy tabaqali dvoryanlarning knyazdan quyi, barondan yuqori unvoni va shu unvonga ega boʻlgan shaxs.

Yaxshiboyev, qaydan oʻrganding kiborlikni, naq graf boʻlib ket-e. Libosni keltiring, ulovni hozirlang, mashvarat jam boʻlsin. — M. M. Doʻst, Lolazor.

ot 1. Jadvallarda tik chiziqlar orasidagi, turli maʼlumotlar yoziladigan ustun, oraliq.

2. Matn, qonun va shu kabilarning bir bandi, boʻlimi.

ot 1. Turli narsa va hodisalarning miqdoriy bogʻlanishlarini chiziqlar, chizmalar vositasida tasvirlash va shunday tasvir (chizma)ning oʻzi.

Atmosfera bosimi oʻzgarishini koʻrsatuvchi grafik.

2. Biror bir ishning hajmi, bajarilish muddatlari aniq belgilab tuzilgan reja.

Kunlik ekish grafigi 45-50 protsentgina bajarilmoqda. — Gazetadan

Xoʻjaligimizda yetishtirilgan hosilni tez va sifatli terib olish uchun tigʻiz grafik tuzildi. — Gazetadan

Haydovchi qiz grafikka tushib olish uchun shoshmoqda edi. — P. Qodirov, Erk

ot Suv, vino va shu kabilar solib qoʻyiladigan, boʻgʻzi tor idish.

Ruxsat teggach, Maqsud Soliyev qabulxonaga chiqib, grafindagi suvdan quyib ichdi. — Yoshlik

ot 1. Sof uglerodning bir turi, toʻq kulrang yoki qora tusli mineral (qalam va oʻtga chidamli buyumlar yasash uchun ishlatiladi).

Tabiatda uchraydigan grafit va koʻmirni tarkiban olmos deb atash mumkin. — Fan va turmush

2. Qalamning shu mineraldan yasalgan yozadigan qismi.

Grafit — toshqalam boʻlib, u qogʻoz varagʻi yoki taxtaga salgina tegsa ham, iz qoldiradi. — Fan va turmush

ot 1. Boʻyoq ishlatmasdan, chiziq va shtrixlar vositasi bilangina narsalarni tasvirlash sanʼati; shu usulda ishlangan rasm, tasvir.

haykaltaroshlik, grafika va amaliy sanʼat asarlari tomoshabinlarda katta qiziqish uygʻotdi. — Gazetadan

2. tlsh. Nutq tovushlarini yozuvda ifodalovchi belgilar (harflar) tizimi; yozuv va alifbo harflarini, tovush va harf munosabatlarini oʻrganuvchi tilshunoslik sohasi.

Arab grafikasi asosidagi eski oʻzbek yozuviga kiritilgan bu isloh oʻsha vaqtda oʻzbek madaniyatidagi zoʻr tarixiy siljish edi. — OʻTA